కింగ్ నాగార్జున హీరోగా అషిషోర్ సాల్మన్ దర్శకత్వంలో రూపొందిన లేటెస్ట్ మూవీ ‘వైల్డ్డాగ్’. దియా మీర్జా, సయామీఖేర్, అలీ రెజా, మయాంక్, ప్రదీప్, ప్రకాశ్ కీలకపాత్రల్లో నటించిన ఈ మూవీని మ్యాట్నీ ఎంటర్టైన్మెంట్ పతాకంపై ప్రొడక్షన్ నెం.6గా నిరంజన్రెడ్డి, అన్వేష్ రెడ్డి నిర్మించారు. ఏప్రిల్2న ప్రపంచవ్యాప్తంగా విడుదలై సక్సెస్ఫుల్ టాక్తో మంచి కలెక్షన్స్ సాధించింది. అయితే నాగార్జున హిట్ సినిమాల్లో ‘సోగ్గాడే చిన్నినాయన’ కూడ ఒకటి. 2015 సంక్రాంతికి విడుదలైన ఈ చిత్రం సంచలన విజయం సాధించింది. ఇందులో నాగార్జున పోషించిన బంగార్రాజు పాత్రకు అద్భుతమైన స్పందన లభించింది. అందుకే దర్శకుడు కళ్యాణ్ కృష్ణ, నాగార్జున ఆ సినిమాకు సీక్వెల్ తీస్తామని చెప్పారు. అదే పనిలో ఉన్నారు. టైటిల్ కూడా ‘బంగార్రాజు’ అని కన్ఫామ్ చేశారు. అదిగో ఇదిగో అంటూ వస్తున్న ఈ ప్రాజెక్ట్ ఎట్టకేలకు ఈ సంవత్సరం పట్టాలెక్కుతుందని ప్రకటించాడు నాగార్జున. ప్రీప్రొడక్షన్ కూడా మొదలైంది. ఇందులో బాలీవుడ్ నటి సోనాక్షి సిన్హాను ఓ పాత్రకు తీసుకోవాలని భావిస్తున్నారట. నాగ్ కి జోడీగా కొత్తగా ఉంటుందని ఆలోచనట. ఆమెతో చర్చలు కూడా జరుపుతున్నారట. నిజానికి ఈ సినిమా షూటింగ్ జూన్, జూలై లో మొదలెట్టాలనుకున్నారు. ఇప్పుడు కరోనా వేవ్ తో ఎప్పటి నుంచి ఆరంభమవుతుంతో తెలియటం లేదు. అన్నీ కుదిరితే వచ్చే ఏడాది సంక్రాంతి బరిలో సినిమాను నిలపాలన్నది నాగ్ ఐడియా. చూద్దాం ఏం జరుగుతుందో.
previous post
చిరంజీవి రొమాంటిక్… : మహిమా చౌదరి