బాలీవుడ్ సూపర్ స్టార్ హీరో, కండల వీరుడు సల్మాన్ ఖాన్ పై ప్రముఖ గాయని సోనా మొహాపాత్ర ఫైర్ అయ్యారు. సల్మాన్ నటించిన “భారత్” సినిమాలో మొదట హీరోయిన్ గా ప్రియాంక చోప్రాని అనుకున్నారు. కానీ ఆమె తన పెళ్లి కోసం సినిమా నుండి తప్పుకుంది. దాంతో ఆమె స్థానంలో కత్రినా కైఫ్ ని తీసుకున్నారు. కానీ ప్రియాంకా ఈ సినిమా నుండి తప్పుకోవడం సల్మాన్ కి నచ్చలేదు. దీంతో సమయం దొరికిన ప్రతీసారి ఆమెపై కామెంట్స్ చేస్తూనే ఉన్నాడు. ప్రియాంకకు “భారత్” కంటే అమెరికా ఎక్కువైపోయిందని, భర్త కోసం “భారత్”నే వదులుకున్నారని విమర్శించాడు. దీంతో సోనా మొహాపాత్ర సోషల్ మీడియా వేదికగా సల్మాన్ పై ఫైర్ అయింది.
ప్రియాంకకు జీవితంలో చేయాల్సిన ముఖ్యమైన పనులు చాలానే ఉన్నాయి కాబట్టే ఆమె “భారత్” నుండి తప్పుకున్నారని, తన భర్తతో.. కుటుంబంతో ఉండాలనుకుందని, అన్నిటికంటే ముఖ్యంగా ఆమె తన ప్రయాణంతో ఎందరో ఆడపిల్లలకు స్పూర్తిగా నిలుస్తుందని తెలిపింది. అయినా ఈ దేశంలో లేని అమ్మాయి గురించి కామెంట్లు చేయడమెందుకు..? అదికాకుండా పక్కనే మరో అమ్మాయి (కత్రినా) ఉండగా ప్రియాంకపై కామెంట్స్ చేయడం నీచమైన పని అంటూ సల్మాన్ పై ఆగ్రహం వ్యక్తం చేసింది. మరి ఈ విషయంపై సల్మాన్ ఎలా స్పందిస్తారో చూడాలి.
మంచు లక్ష్మి బీర్ తాగుతూ రోడ్డులో… బిడ్డను కనడానికి కూడా ఇబ్బందే పాపం… రాకేష్ మాస్టర్ సంచలన వ్యాఖ్యలు