తెలంగాణలో ఆర్టీసీ డ్రైవింగ్ స్కూళ్లు త్వరలో ప్రారంభం కానున్నాయి. ఇప్పటివరకు ప్రైవేటు సంస్థలు మాత్రమే డ్రైవింగ్ స్కూళ్ళను నిర్వహిస్తుండగా ఇక ఆర్టీసీ కూడా ఈ స్కూళ్ళను ఏర్పాటు చేసేందుకు సిద్ధమవుతోంది. .ప్రస్తుతానికి హైదరాబాద్‌లో రెండు, వరంగల్‌లో ఒకటి చొప్పున ఈ స్కూళ్ళను ఏర్పాటు చేయనున్నారు. అభ్యర్ధులకు నాణ్యమైన ప్రమాణాలతో కూడి డ్రైవింగ్‌ను నేర్పించడంతోపాటు ఆర్ధిక సంక్షోభం నుంచి కొంతమేరకైనా బయటపడాలన్న ఉద్దేశంతో సంస్థ ఈ డ్రైవింగ్ స్కూళ్ళను ఏర్పాటు చేయాలని నిర్ణయించింది.
కరోనా వ్యాప్తి నేపధ్యంలో గత రెండు నెలలుగా ఆర్టీసీ రూ. 700 కోట్ల మేరకు ఆదాయాన్ని కోల్పోయింది. ప్రస్తుతం నడుస్తోన్న బస్సులతో కేవలం రూ. 5 కోట్ల ఆదాయం మాత్రమే వస్తోంది. ఈ క్రమంలో యాజమాన్యం ప్రత్యామ్నాయ మార్గాలను వెతుకుతోంది. ఈ క్రమంలోనే త్వరలో మూడు డ్రైవింగ్ శిక్షణ కేంద్రాలను ప్రారంభించనుంది. ఇందులో తేలికపాటి వాహనాలైన కార్లతో పాటు భారీ వాహనాలను నడిపేలా ప్రైవేటు వ్యక్తులకు శిక్షణనిచ్చేందుకు ఆర్టీసీ సిద్ధమవుతోంది.
చంద్రబాబు సెక్రటేరియేట్ కు వెళ్తే ఆధారాలు మాయం : జగన్