రేపు రానున్న రవితేజ కొత్త పాట…

చిన్న చిన్న పాత్రల నుంచి ఓరాస్తుతం అగ్ర హీరోగా మారాడు మాస్ మహారాజ్ రవితేజ. తనదైన నటనతో ఎందరో అభిమానులను సంపాదించుకున్నాడు. అయితే ప్రస్తుతం రవితేజ క్రాక్ సినిమాలో నటిస్తున్నాడు. ఈ సినిమా గోపీచంద్ మలినేని దర్శకత్వంలో తెరకెక్కుతోంది. ఇందులో శ్రుతి హాసన్ రీఎంట్రీ ఇస్తోంది. ఈ సినిమాలో రవితేజ పోలీస్ గెటప్‌లో కనిపింమచనున్నాడు. ఈ చిత్రం యాక్షన్ థ్రిల్లర్‌గా రూపొందుతోంది. దీనిని సరస్వతి ఫిలిం డివిజన్ బ్యానర్‌పై బీ మధు నిర్మిస్తున్నారు. ఈ చిత్ర యూనిట్ షూటింగ్ నిమిత్తం ఇటీవల దుబాచ్ వెళ్లిన విషయం తెలిసిందే. అయితే తాజా సమాయారం ప్రకారం ఈ సినిమా నుంచి ఓ పాట టీజర్ రేపు ఉదయం 10 గంటలకు విడుదల కానుంది. ఈ విషయాన్ని రవితేజ తన ట్విటర్ ద్వారా తెలిపారు. ఈ ట్వీట్ ద్వారా ‘బలేగా తగిలావే బంగారమా’ అనే పాట టీజర్‌ను రేపు విడుదల చేయనున్నాట్లు తెలిపాడు. దీని కోసం అతడి అభిమానులు ఎదురు చూస్తున్నారు. అంతేకాకుండా ఈ సినిమాపై ప్రేక్షకులు భారీగా అంచనాలను పెంచుకున్నారు. ఇందులో రవితేజా చాలా విలక్షణంగా కనిపిస్తాడని భావిస్తున్నారు.