“బాహుబలి” చిత్రంతో ప్రపంచవ్యాప్తంగా అభిమానులను సంపాదించుకున్న యంగ్ రెబల్ స్టార్ ప్రభాస్ తాజాగా మరో అరుదైన ఘనతను సొంతం చేసుకున్నాడు. ఆసియా సెక్సీయెస్ట్ పురుషుల జాబితాలో స్థానం దక్కించుకున్నాడు. దక్షిణాది నుంచి ఈ జాబితాలో చోటు దక్కించుకున్న ఒకే ఒక్క హీరో ప్రభాస్ కావడం గమనార్హం. బ్రిటీస్ న్యూస్ వీక్లీ, ఈస్ట్రన్ ఐ సంస్థలు సంయుక్తంగా `సెక్సీయెస్ట్ ఏషియన్ మ్యాన్ ఆఫ్ 2019` సర్వే నిర్వహించాయి. ఈ జాబితాలో బాలీవుడ్ స్టార్‌హీరో హృతిక్ రోషన్ మొదటి స్థానాన్ని కైవసం చేసుకున్నాడు. ప్రభాస్‌కు ఈ జాబితాలో పదో స్థానం లభించింది. ప్రపంచవ్యాప్తంగా ఉన్న సినీ అభిమానుల ఓట్ల ఆధారంగా ఈ జాబితాను ప్రకటించారు. దక్షిణాదికి చెందిన హీరోలెవరూ ఈ జాబితాలో నిలవలేకపోయారు. కాగా “సాహో” తరువాత ప్రభాస్ నటిస్తున్న 20వ చిత్రంగా కె కె రాధా కృష్ణ ద‌ర్శ‌క‌త్వంలో ఓ మూవీ చేస్తున్నాడు. ఈ చిత్రాన్ని గోపికృష్ణ మూవీస్, యువీ క్రియేషన్స్ సంయుక్తంగా నిర్మిస్తున్నాయి. పూజా హెగ్డే క‌థానాయిక‌గా నటిస్తున్న ఈ చిత్రం 1970 బ్యాక్ డ్రాప్ నేప‌థ్యంలో రూపొందుతున్న‌ట్టు స‌మాచారం.
ప్రభాస్ ఖాతాలో మరో అరుదైన రికార్డు… “సెక్సీయెస్ట్ ఏషియన్ మ్యాన్ ఆఫ్ 2019”
ఆ వార్తలు నిరాధారం : కరీనా కపూర్