స్టార్ హీరోయిన్గా కోలీవుడ్లో నయనతార స్థానం పదిలం. ఇప్పట్లో ఆమె స్థాయిని అందుకునేవారే లేరని ఇండస్ట్రీ కోడై కూస్తుంది. ఆమె సినిమాల్లో హీరో నామమాత్రమే! అసలైన హీరో ఆమె! ఆమె పేరుతోనే కోట్లు వచ్చి పడుతుంటాయి. ఆ సంగతి ఆమెకు తెలుసు. అందుకే ప్రతి సినిమాకీ నిర్మాత నుంచి ముక్కు పిండి మరీ వసూలు చేస్తుంది. డబ్బు విషయంలో అంతకచ్చితంగా ఉండే నయనతార ఇటీవల ఓ ఆఫర్ని వదులుకుంది.
కోలీవుడ్లో ఓ నిర్మాత కొత్త హీరోతో సినిమా మొదలెట్టాలని అనుకున్నారట. ఆ సినిమాలో నటించడానికి నయనతారకు పదికోట్లు ఇవ్వడానికి సిద్ధపడ్డారట కూడా! అంత మొత్తం ఇస్తామన్నా నయనతార ఒప్పుకోలేదట! కారణం కొత్త హీరోనే అంటున్నారు. సో…నయనతారకి డబ్బుతో పాటు హీరో ఎవరు అన్నది కూడా కావాలన్నమాట అంటున్నారు తమిళ తంబిలు.