మెగా బ్రదర్ నాగబాబు గత కొన్ని రోజులుగా సంచలన ట్వీట్స్ చేస్తూ వార్తల్లో నిలుస్తున్నారు. తాజాగా అభిమానులతో చిట్ చాట్ నిర్వహించిన ఆయన అభిమానులు అడిగిన ప్రశ్నలకు ఆసక్తికర సమాధానాలు ఇచ్చారు. ఓ అభిమాని.. మీ అన్నయ్య మెగాస్టార్ చిరంజీవి నటించిన సినిమాల్లో ఏ సినిమాని వరుణ్ రీమేక్ చేస్తే బాగుంటుందని అడగ్గా .. నాగబాబు ఇలా సమాధానం ఇచ్చారు. అన్నయ్య చేసిన ఛాలెంజ్, కొదమ సింహం సినిమాలను.. వరుణ్ రీమేక్ చేస్తే చూడాలని ఉందని తన మనసులోని మాటను బయట పెట్టారు. ఈ రెండు సినిమాలు కూడా చిరు కెరీర్‌లో బిగ్గెస్ట్ హిట్ సాధించాయి. ఈ రెండు సినిమాల్లోని పాత్రలని వరుణ్ తేజ్ ఇప్పటి ట్రెండ్‌కు తగ్గట్టు.. హీరోగా రీమేక్ చేస్తే బాగుంటుందన్నారు నాగబాబు. ఈ సినిమాల్లోని పాత్రలు వరుణ్‌కి బాగా సెట్ అవుతాయన్నారు. ఇక చిరంజీవి కెరీర్‌లో స్పెషల్ చిత్రాలుగా నిలిచిన ఈ రెండింటిని వరుణ్ చేయడం పెద్ద సాహసమే అని కూడా పేర్కొన్నారు నాగబాబు. కాగా ప్రస్తుతం వరుణ్ తేజ్ స్పోర్ట్స్ డ్రామా నేపథ్యంలో ఓ సినిమాలో నటిస్తోన్న సంగతి తెలిసిందే. లాక్‌డౌన్ కారణంగా ఆ సినిమా షూటింగ్‌కి బ్రేక్ పడింది.
ఆ రెండు మెగాస్టార్ హిట్ చిత్రాలు… వరుణ్ హీరోగా రీమేక్ చేస్తే బాగుంటుందన్న నాగబాబు
కలెక్షన్ కింగ్ నిజమైన లెజెండ్ : సూర్య