‘వినాయకుడు’ సినిమాతో హీరోగా మారిన నటుడు కృష్ణుడు. ‘వినాయకుడు’ సినిమా కృష్ణుడికి ఒక ఇమేజ్‌ను క్రియేట్ చేసింది. ఇప్పటి వరకు నటుడిగా తన ప్రతిభను కనబరిచిన కృష్ణుడు.. ఇప్పుడు నిర్మాతగా మారారు. కుమార్తె నిత్య పేరు మీద నిత్య క్రియేషన్స్ అనే నిర్మాణ సంస్థను ఆయన స్థాపించారు. తన భార్య లలిత అల్లూరిని నిర్మాతను చేశారు. తొలి ప్రయత్నంగా ‘మై బోయ్‌‌ఫ్రెండ్స్‌ గర్ల్‌‌ఫ్రెండ్‌’ చిత్రాన్ని నిర్మించారు. సెన్సార్‌ కార్యక్రమాలు పూర్తి చేసుకున్న ఈ సినిమా విడుదలకు సిద్ధంగా ఉంది. శివ కుమార్, జబర్దస్త్ అప్పారావు, హర్షిత చౌదరి, వర్ష రెడ్డి ప్రధాన పాత్రలు పోషించిన ఈ సినిమా ద్వారా జయరామ్ లోతుగెడ్డ దర్శకుడిగా పరిచయం అవుతున్నారు. కృష్ణుడు సమర్పణలో నిత్య క్రియేషన్స్ బ్యానర్‌పై లలిత అల్లూరి నిర్మించారు. ఎస్.అనంత్ శ్రీకర్ సంగీతం సమకూర్చారు. సురేష్ రగతు, శ్యామీ సినిమాటోగ్రఫీ అందించారు. అభినవ్ కునపరెడ్డి ఎడిటర్. కాగా ఈ సినిమా ట్రైలర్‌ను శుక్రవారం డైరెక్టర్ పూరి జగన్నాథ్ ట్విట్టర్ ద్వారా విడుదల చేశారు. కృష్ణుడికి శుభాకాంక్షలు తెలియజేశారు. ఈ సినిమా ట్రైలర్ చూస్తుంటే సినిమా చాలా ఎంటర్‌టైనింగ్‌గా ఉంటుందని అనిపిస్తోంది. ఇదొక ట్రైయాంగిల్ లవ్‌స్టోరీ. మధు, సూర్య, బ్రిట్నీ మధ్య జరిగే ప్రేమకథ. యూత్‌కు కనెక్ట్ అయ్యే అన్ని అంశాలు ఈ సినిమాలో ఉన్నట్టు ట్రైలర్ చూస్తే అర్థమవుతోంది. ‘‘మీద పార్ట్ మధు కావాలంటోంది.. కింద పార్ట్ బ్రిట్నీ కావాలంటోందిరా’’ అంటూ హీరోతో బోల్డ్ డైలాగు కూడా చెప్పించారు. మొత్తం మీద ఇదొక మంచి కామెడీ మిక్స్ చేసిన లవ్ స్టోరీ.
“మై బోయ్‌‌ఫ్రెండ్స్‌ గర్ల్‌‌ఫ్రెండ్‌” ట్రైలర్
ఇక రీమిక్స్ సాంగ్స్ కు దూరం… బాలూ గారు తిడుతున్నారు : తమన్