యంగ్ రెబల్ స్టార్ ప్రభాస్ నటిస్తున్న తాజా చిత్రం “సాహో”. సుజిత్ దర్శకుడు. యువీ క్రియేషన్స్ పతాకంపై వంశీ కృష్ణారెడ్డి, ప్రమోద్ భారీ బడ్జెట్తో ఈ చిత్రాన్ని నిర్మిస్తున్నారు. ఈ సినిమా ఈ నెల 30న తెలుగు, తమిళ, మలయాళ, హిందీ భాషల్లో ప్రపంచ వ్యాప్తంగా భారీ రేంజ్లో విడుదల కానుంది. ఈ సినిమా ట్రైలర్ సినిమాపై ఉన్న అంచనాలను రెట్టింపు చేసింది. తెలుగు, తమిళ, మలయాళ, హిందీ భాషల్లో సినిమా భారీ విడుదలకు సిద్ధమవుతోంది. “బాహుబలి” తర్వాత ప్రభాస్ హీరోగా నటిస్తోన్న ఈ చిత్రంపై ఉన్న అంచనాలు కారణంగా ప్రీ రిలీజ్ బిజినెస్ కూడా భారీగానే జరిగినట్లు వార్తలు వినపడుతున్నాయి. ఇప్పటికే ఈ సినిమాపై ఓ రేంజ్ ఎక్స్పెక్టేషన్స్ ఉండడంతో అభిమానులు తొలి రోజే ఈ సినిమాని వీక్షించేందుకు పోటీలు పడుతున్నారు. ఆగష్టు 18న ‘సాహో’ గ్రాండ్ ప్రీ రిలీజ్ వేడుకను హైదరాబాద్ రామోజీ ఫిలింసిటీలో నిర్వహించారు. ఈ కార్యక్రమానికి ప్రభాస్, రాజమౌళి, వివి వినాయక్, అల్లు అరవింద్, శ్రద్ధా కపూర్తో పాటు పలువురు ప్రముఖులు హాజరయ్యారు. కార్యక్రమం జరుగుతున్న సమయంలో కెమెరా ఎక్కువగా ప్రభాస్పైనే ఫోకస్ పెట్టింది. ఆ సమయంలో ప్రభాస్ ప్రదర్శించిన హావభావాలు ప్రేక్షకులకి కొత్తగా అనిపించాయి. ఇక ఆయన పెట్టుకున్న చేతి గడియారం కూడా అందరి దృష్టిని ఆకర్షించింది. ఆ వాచ్ గురించి ఆరాలు తీయగా అది ‘హబ్లట్’ కాగా.. ఆ వాచ్ ధర రూ. లక్షల పైమాటే ఉంటుందని అంచనా. హాలీవుడ్ సెలబ్రిటీలు ఈ తరహా వాచ్లను ధరిస్తారు. ఈ బ్రాండ్కి సంబంధించిన వాచ్లు రూ. 15 లక్షల నుండి రూ. కోటి వరకూ ధర పలుకుతున్నాయి.