క్రేజీ స్టార్ విజయ్ దేవరకొండ కథానాయకుడిగా పూరి జగన్నాథ్ దర్శకత్వంలో పాన్ ఇండియన్ చిత్రం రూపొందుతున్న సంగతి తెలిసిందే. ఛార్మీ కౌర్, కరణ్ జోహార్తో కలిసి పూరి నిర్మిస్తున్న ఈ సినిమా టైటిల్ మారిందని టాక్. ఈ చిత్రానికి తొలుత ‘ఫైటర్’ టైటిల్ ఖాయం చేశారు. తెలుగుతో పాటు హిందీ, తమిళం, మలయాళం తదితర భాషల్లో చిత్రాన్ని విడుదల చేయడానికి సన్నాహాలు చేస్తున్నారు. రెండు భాషల్లో ఈ టైటిల్ దొరకలేదట. కొన్ని అనివార్య కారణాల వలన సినిమాలో హీరో పేరు ‘లైగర్’ను టైటిల్గా ఖరారు చేశారట. ‘ఫైటర్’ బన్గయా ‘లైగర్’ (మగ సింహానికి, ఆడ పులికి పుట్టిన బిడ్డను లైగర్ అంటారు). ఈ మూవీలో అనన్యపాండే హీరోయిన్. అయితే..లాక్డౌన్ వలన ఆగిన ఈ సినిమా చిత్రీకరణ ఇప్పటికీ రీస్టార్ట్ కాలేదు. కోవిడ్ సమస్యల మూలాన విదేశీ ఫైటర్లు దొరక్కపోవడంతో సినిమా ఆలస్యమైనట్లు టాక్ వచ్చింది. అయితే.. ఇప్పుడు ఈ సమస్య పరిష్కారమైందట. ముంబైలోనే తిష్ట వేసిన పూరి సమస్యలను క్లియర్ చేసుకున్నారట. దీంతో ఈ సినిమా షూటింగ్ జనవరి నుంచి మొదలు కానుంది. అలాగే సంక్రాంతికి ఫస్ట్ లుక్ కూడా రిలీజ్ చేసే ఆలోచన చేస్తుందట పూరి టీమ్.