తెలంగాణలో కరోనా వైరస్ విజృంభించడంతో రోజు రోజుకూ కేసుల సంఖ్య భారీగా పెరుగుతోంది. గతంలో పట్టణాలకే పరిమితమైన ఈ మహమ్మారి ప్రస్తుతం గ్రామాలను కూడా వణికిస్తోంది. అయితే నిన్న పరీక్షలలో సగమే చేయడంతో కరోనా కేసులు భారీగా తగ్గాయి. రాష్ట్ర వైద్య ఆరోగ్య శాఖ ఈ ఉదయం విడుదల చేసిన గణాంకాల మేరకు గడచిన 24 గంటల్లో 36,348 మంది నమూనాలను పరీక్షించగా, 1,335 మందికి వైరస్ సోకినట్టు నిర్దారణ అయింది.
దీంతో మొత్తం కేసుల సంఖ్య 2,00,611కు చేరుకుంది. శనివారం నాడు కరోనాతో 8 మంది మరణించగా, మొత్తం మృతుల సంఖ్య 1171కు చేరింది. వ్యాధి నుంచి 2,176 మంది కోలుకోగా, మొత్తం కోలుకున్న వారి సంఖ్య 1,72,388కు చేరింది. ప్రస్తుతం రాష్ట్రంలో 27,052 యాక్టివ్ కేసులు ఉండగా, వీరిలో 22,134 మంది హోమ్ ఐసోలేషన్ లో ఉంచి వైద్యుల సలహాతో చికిత్స తీసుకుంటున్నారని అధికారులు వెల్లడించారు. ఇక, ఇప్పటివరకూ రాష్ట్రంలో 32,41,597 కరోనా టెస్ట్ లను నిర్వహించామని ఆరోగ్య శాఖ ప్రకటించింది.
లోకేశ్ సరిగా మాట్లాడలేరు అందుకే ట్వీట్లు : అనిల్ కుమార్ యాదవ్