“బిగ్ బాస్” షోపై హెచ్ఆర్సీకి ఫిర్యాదు

వరల్డ్ బిగ్గెస్ట్ రియాలిటీ షో బిగ్ బాస్ సీజన్-4 త్వరలో (ఆగష్టు 30 అని ఊహాగానాలు) తెలుగులో ప్రసారం కానుంది. ఈ నేపథ్యంలో షోని ఆపేయాలంటూ మానవహక్కుల కమీషన్ లో ఫిర్యాదు నమోదు అయ్యింది. బిగ్ బస్ షోను ప్రదర్శించకుండా నిలిపివేయాలని తెలంగాణ రాష్ట్ర మానవ హక్కుల కమిషన్ లో తెలంగాణ మహిళ అధ్యక్షురాలు రేఖ ముక్తల, పేరెంట్స్ అసోసియేషన్ గడ్డం మురళి, తెలంగాణ విద్యార్థి జాక్ అమాన్ గల్ రాజు ఫిర్యాదు చేసారు. అయితే బిగ్ బాస్ వచ్చిన ప్రతిసారి కూడా ఇలాంటి ఫిర్యాదులు అందుతూనే ఉన్నాయి. మరి ఈసారి హెచ్ఆర్సీ ఎలా స్పందిస్తోంది చూడాలి. ఈ షో ప్రారంభమైన అన్నిసార్లు అన్నిచోట్ల కూడా వ్యతిరేకత వ్యక్తం అవుతూనే ఉంటుంది. ఇక తెలుగులో అయితే ఇది మన కల్చర్‌కి సంబంధించిన షో కాదని నిరసన జ్వాలలు తలెత్తుతూనే ఉంటాయి. గత సీజన్లో అయితే ఈ నిరసనన వేడి ఢిల్లీని సైతం తాకింది. బిగ్ బాస్‌ పేరుతో క్యాస్టింగ్ కౌచ్ ఎదురైందని యాంకర్ శ్వేతారెడ్డి, గాయత్రి గుప్తాలు ఫిర్యాదులు చేశారు. ఓయూ విద్యార్థి నాయకులు అయితే బిగ్ బాస్ హోస్ట్ నాగార్జున ఇంటినే ముట్టడించారు. అయితే ఈసారి కూడా నిరసనలు ఏ మాత్రం తగ్గడం లేదు.