నల్లధనం

అవినీతి ధనం పాము పడగనీడ వంటిది
ఎంతకాలమని పడగ నీడన తలదాచుకుంటారు
ధన దాహం ,అధికార దాహం
మనిషి ఆరోగ్యానికి అత్యంత ప్రమాదకరం
అవినీతి ధనం ఎంత సంపాదిస్తే అంత ఆనందం
ఆ అవినీతి సామ్రాజ్యాన్ని కాపాడుకోవడానికి అధికారం కావాలి
తరతరాలు కూర్చొని తిన్నా తరగని ఆస్తులు సంపాదించుకొని
వెనకేసుకున్నా
పోయాక వేసేది ఆరడుగుల గోతిలోనే
తినడానికి తిండిలేక
ఉండడానికి నిలువ నీడ లేక
ఎందరో అభాగ్యులు
ఇంకెందరో ఆనాధలు
బ్రతుకుతున్న ఈ దేశంలో
అవినీతి సొమ్ముతో
భవంతుల పై భవంతులు నిర్మించుకొని
ప్రజల డబ్బును దోచుకుంటూ
దానిని విదేశాలలో దాచుకొంటూ
ఆ నల్ల ధనాన్ని కాపాడుకోవడానికి ఎంతకైనా దిగజారే మనుషులు
మనిషికి బ్రతకడానికి డబ్బు కావాలి
ప్రతి ఒక్కరూ ప్రశాంతంగా జీవించాలి
అవినీతి సొమ్ముతో అంతస్తులు కట్టి నిద్రలేక గడిపేవాడు ఒకడైతే
చెట్టుక్రింద సుఖంగా నిద్రించేవాడు మరియొకడు
ఇద్దరిదీ ఆఖరున ఒకటే మజిలీ
********
పత్తిపాటి రూపలత
తిరుపతి