అమెరికా తెలుగు సంఘం (ఆటా) జూన్, జూలై నెలల్లో ఆన్లైన్ పాటల పోటీ ‘ఝుమ్మంది నాదం’ నిర్వహించనుంది. క్లాసికల్, నాన్క్లాసికల్ విభాగంలో పోటీలు ఉంటాయని, ఇందులో పాల్గొనేవారు తమ పేర్లను జూన్ 7వ తేదీలోపు వెబ్సైట్ https://tinyurl.com/ATA-JN2020లో నమోదు చేసుకోవాలని తెలిపింది. వీటిని ఆటా ఫేస్బుక్, ఆటా యూట్యూబ్లో ప్రత్యక్ష ప్రసారమవుతాయని వెల్లడించింది. సోలో సింగింగ్ పేరుతో జూన్ నాలుగో వారం నుంచి జూలై చివరి వరకు జరిగే ఈ పాటల పోటీలో అమెరికాలో నివసించేవారు పాల్గొనవచ్చని ఆటా ప్రకటించింది. ఇందులో గెలుపొందినవారికి ఆటా టైటిల్ అందిస్తామని తెలిపింది. ఈ పోటీలు నాలుగు విభాగాలుగా (ప్రిలిమనరీ రౌండ్స్, ఆన్లైన్ స్క్రీనింగ్, సెమీఫైనల్స్, ఫైనల్స్) ఉంటాయని, ఇవి ఆన్లైన్ (జూమ్) ద్వారానే జరుగుతాయని వెల్లడించింది.
previous post