కరోనా పరీక్షల పై కీలక నిర్ణయం తీసుకున్న ఏపీ…

ఏపీలో రోజు రోజుకు రికార్డు స్థాయిలో కేసులు పెరుగుతున్నాయి. రాష్ట్రంలో రోజుకు 10 వేలకు పైగా కేసులు నమోదవుతున్న విషయం తెలిసిందే. ఈ నేపథ్యంలో  కోవిడ్ నిర్ధారణ కోసం చేయించుకునే స్కానింగ్ ధరలను నియంత్రించింది ఏపీ ప్రభుత్వం. సీటీ స్కాన్, హెచ్చార్ సీటీ స్కాన్ ధరను రూ. 3 వేలకు మించి వసూలు చేయొద్దని ఆదేశాలు జారీ చేసింది. డయాగ్నస్టిక్ సెంటర్లు, స్కానింగ్ సెంటర్ల నిర్వాహాకులతో పాటు ఆస్పత్రుల్లోనూ సీటీ స్కాన్ నిమిత్తం రూ. 3 వేలకు మించి వసూలు చేయొద్దని సూచనలు చేసింది. ప్రభుత్వ ఆదేశాల అమలు విషయంలో నిరంతరం పర్యవేక్షించాలని వైద్యారోగ్య శాఖ అధికారులకు ఆదేశాలు జారీ చేసింది. ఈ మేరకు ఉత్తర్వులు జారీ చేసింది ఏపీ వైద్యారోగ్య శాఖ. స్కానింగ్ పేరుతో పెద్ద ఎత్తున డబ్బులు గుంజుతున్నారని ప్రభుత్వానికి ఫిర్యాదులు రావడంతో ఈ నిర్ణయం తీసుకుంది ఏపీ ప్రభుత్వం.