రాజమౌళి ఆర్‌ఆర్‌ఆర్‌ను పాన్‌ ఇండియా మూవీగా భావించడంలేదు. పాన్‌ ఇంటర్నేషనల్‌గా చూస్తున్నాడు.అయితే ప్రస్తుతం ఆర్ఆర్ఆర్ షూటింగ్ శరవేగంగా సాగుతోంది. ఎన్టీఆర్‌ పక్కన ఫారిన్‌ బ్యూటీ ఒలీవియా మోరిస్‌ను ఎంచుకున్నాడు. ఇంకా ఈ అమ్మడు సెట్స్‌లోకి అడుగుపెట్టకుండానే.. ఐరిష్‌ నటి అలిసన్ డ్యూడీ షూటింగ్‌లో జాయిన్‌ అయింది. ఈ అమ్మడు సినిమాలో లేడీ స్కాట్‌ పాత్రలో కనిపించనుంది. బ్రిటీష్‌ సంస్థానంలో అధికారిణిగా కనిపించనుందని.. విలన్ తరహాగా ఆమె పాత్ర వుంటుందని టాక్‌. అయితే షూటింగ్ పాల్గొనడానికి అలిసన్ డూడి ఇండియాకు వచ్చింది. ఈ విషయాన్నిచెబుతూ చిన్నపాటి వీడియోను పోస్ట్ చేశారు. ఒలీవియా మోరిస్‌..అలిసన్ డూడీతోపాటు..ఫారిన్‌ యాక్టర్స్‌ కూడా ఇందులో నటించారట. రాజమౌళి సినిమాలో ఇలా ఫారిన్‌ నటీనటులు ముఖ్య పాత్రల్లో కనిపించడం ఇదే ఫస్ట్ టైం. ఇక రామ్‌చరణ్‌ హీరోయిన్‌గా అలియాభట్‌ నటిస్తోంది. ఆమె ఈ నెల మొదటివారం నుంచి షూటింగ్‌లో పాల్గొనాల్సి వుండగా.. ఫారిన్‌ యాక్టర్స్‌ రాకతో ఆమె షెడ్యూల్‌ మారిందని సమాచారం. అలియా ఆర్ఆర్ఆర్ టీంలో డిసెంబర్‌లో వచ్చి చేరనున్నట్లు తెలుస్తుంది.
ఆర్ఆర్ఆర్ లో ఆమెది విలన్ పాత్రా…?
