సంచలన దర్శకుడు రామ్ గోపాల్ వర్మ దర్శకత్వంలో స్వర్గీయ ఎన్టీఆర్ జీవితకథ ఆధారంగా తెరకెక్కించిన “లక్ష్మీస్ ఎన్టీఆర్” చిత్రం తెలంగాణాలో విడుదలై మంచి హిట్ ను అందుకుంది. అయితే ఆంధ్రప్రదేశ్ లో మాత్రం ఈ చిత్రం విడుదల ఆగిపోయింది. అయితే ఈ వారంలోనే ఆంధ్రప్రదేశ్ లో “లక్ష్మీస్ ఎన్టీఆర్” చిత్రం విడుదలవుతుందని రామ్ గోపాల్ వర్మ ప్రకటించారు. ఈ మేరకు తన ట్విట్టర్ ఖాతా ద్వారా ఓ ట్వీట్ చేశారు.
ఇక ఆంధ్రప్రదేశ్ మినహా మిగతా అన్ని ప్రాంతాల్లో ఈ చిత్రం గత నెల 29న విడుదలైన విషయం తెలిసిందే. కాగా రాష్ట్రంలో ఎన్నికలు రేపటితో ముగియనుండటంతో, ఆ వెంటనే సినిమాను థియేటర్లలో విడుదల చేసేందుకు వర్మ ఏర్పాట్లు చేసుకుంటున్నారు. మరోవైపు ఈ చిత్రాన్ని ఈరోజు మధ్యాహ్నం 2.30 గంటలకు ఏపీ హైకోర్టు న్యాయమూర్తులు జస్టిస్‌ ఏవీ శేషసాయి, జస్టిస్‌ యూ దుర్గా ప్రసాదరావులతో కూడిన ధర్మాసనం తిలకించి తీర్పును ఇవ్వనుంది.
చైతన్యతో విడాకుల తర్వాత చనిపోతా అనుకున‍్నా..