ఆంధ్రప్రదేశ్ లో వైసీపీ, టీడీపీ శ్రేణులు రెచ్చిపోతున్నారు. అనేక సందర్భాల్లో బాహాబాహీకి దిగుతున్నారు. తాజాగా గుంటూరు జిల్లాలో ఇలాంటి ఘటనే మరొకటి చోటుచేసుకొంది. నాదెండ్ల ఎస్సీ కాలనీలో ఇరు పార్టీలకు చెందిన వారి మధ్య ఘర్షణ చోటుచేసుకుంది. ఈ ఘటనలో ఇరు వర్గాలకు చెందిన నలుగురు గాయపడ్డారు.
వివరాల్లోకి వెళ్తే వైయస్ రాజశేఖరరెడ్డి వర్ధంతి సందర్భంగా టీడీపీ శ్రేణుల ఇళ్ల ముందు వైసీపీ శ్రేణులు బాణసంచా కాల్చాయి. ఈ క్రమంలో బాణసంచా పేలి పక్కనున్న ఇళ్లపైన, గడ్డివాములపైనా పడి మంటలు చెలరేగాయి. దీంతో ఇరు వర్గాల మధ్య ఘర్షణ తలెత్తింది. ఈ ఘటనపై టీడీపీ నేత, మాజీ మంత్రి పుల్లారావు స్పందిస్తూ వైసీపీ కవ్వింపులకు ఈ ఘటన ఒక ఉదాహరణ అని అన్నారు.
సోము వీర్రాజు కామెంట్లను పట్టించుకోవాల్సిన అవసరం లేదు…