కోనసీమ జిల్లా రావులపాలెంలో ఆదివారం రాత్రి కాల్పుల కలకలం చోటు చేసుకుంది. ఫైనాన్స్ వ్యాపారి గుడిమెట్ల సత్యనారాయణరెడ్డిపై ఇద్దరు దుండగులు తుపాకీతో దాడి చేశారు. ఈ క్రమంలో ఆయన కుమారుడు ఆదిత్య రెడ్డి వారిని ప్రతిఘటించారు.
దీంతో దుండగులు గాల్లోకి కాల్పులు జరిపారు. దీంతో దుండగులు ఒక్కసారిగా గాల్లోకి కాల్పులు జరిపారు. గన్ మిస్ ఫైర్ కావడంతో.. వ్యాపారి కుటుంబం ఎదురుతిరిగింది.
ఈ క్రమంలో బాధిత కుటుంబమంతా కేకలు వేయడంతో.. చుట్టుపక్కల వాళ్లు రావడాన్ని గమనించిన దుండగులు అక్కడి నుంచి పరారయ్యారు.
ఆ క్రమంలో వారి వద్ద నుంచి ఓ సంచి పడిపోయింది. దానిని పరిశీలించగా అందులో 2 నాటు బాంబులు, ఓ జామర్ ఉన్నాయి.
సమాచారం అందుకున్న పోలీసులు ఘటనా స్థలికి చేరుకుని పరిశీలించారు.బాధిత కుటుంబం నుంచి పలు వివరాలను సేకరించారు.సుపారీ నేపథ్యంలో దాడి జరిగిందని పోలీసులు అనుమానిస్తున్నారు.