బుల్లితెర సూపర్ స్టార్ షో బిగ్ బాస్ తెలుగులో కూడా అదరగొడుతుంది. తెలుగులో ‘బిగ్ బాస్’ సీజన్ 1కి హోస్ట్ గా ఎన్టీఆర్ మెప్పించాడు. ఆ తరువాత, ‘బిగ్ బాస్ 2’కి హోస్ట్ గా నాని ఆకట్టుకున్నాడు. ఇక ‘బిగ్ బాస్ 3’ కోసం విజయ్ దేవరకొండను రంగంలోకి దింపుతున్నట్టుగా వార్తలు వచ్చినా, ప్రస్తుత బిజీ లో అతగాడు చేయడం అయ్యేపని కాదని భావించిన షో యాజమాన్యం తమ నిర్ణయం మార్చుకున్నారు. దీనితో తాజాగా వెంకటేశ్ పేరు తెరపైకి వచ్చింది. ఈ కార్యక్రమ నిర్వాహకులు ఇటీవలే వెంకటేశ్ తో సంప్రదింపులు జరిపారనేది తాజా సమాచారం.
‘బిగ్ బాస్’ .. ‘బిగ్ బాస్ 2’ కార్యక్రమాలను యూత్ ఎక్కువగా చూశారు. ఫ్యామిలీ ఆడియన్స్ ఈ కార్యక్రమం పట్ల అంతగా ఆసక్తిని చూపడంలేదనే ఫీడ్ బ్యాక్ వచ్చిందట. అందువలన ఫ్యామిలీ ఆడియన్స్ లో మంచి క్రేజ్ వున్న వెంకటేశ్ ను హోస్ట్ గా రంగంలోకి దింపాలనే దిశగా ప్రయత్నాలు చేస్తున్నారట. ఇంతకుముందు హౌస్ లోని వాళ్లు నాని మాటలను పెద్దగా లెక్కచేయలేదనే విమర్శలు వున్నాయి. వెంకటేశ్ ను అనుకోవడానికి ఇదొక కారణమని అంటున్నారు. ఇంతవరకూ టీవీ కార్యక్రమాలకి దూరంగా ఉంటూ వచ్చిన వెంకటేశ్, ఫస్టు టైమ్ ఈ కార్యక్రమంతో బుల్లితెర ప్రేక్షకుల ముందుకు రానున్నాడని చెబుతున్నారు. జూన్ నుంచి ‘బిగ్ బాస్ 3’ ప్రారంభం అయ్యే అవకాశం ఉన్నట్టు తెలుస్తుంది.
ఎక్కడ స్కామ్ ఉంటే అక్కడ నిలుస్తావు.. పీవీపీపై బండ్ల గణేశ్ విమర్శలు