టీవీఎస్‌ మోటార్స్ తన వాహన శ్రేణిలోని జుపిటర్‌కు సరికొత్త హంగులు అద్ది మార్కెట్‌లోకి విడుదల చేసింది. టీవీఎస్‌ జూపిటర్ గ్రాండ్‌గా పేరుతో తీసుకొచ్చిన దీని ధరను రూ. 59,900గా నిర్ణయించారు. పేరుకు తగినట్లుగానే ఈ మోడల్‌లో స్మార్ట్ ఫోన్ కనెక్టివిటి ఫీచర్‌ను అందుబాటులోకి తెచ్చారు. దీని ద్వారా ఆండ్రాయిడ్, ఐవోఎస్ యూజర్లు ఎవరైనా తమ ఫోనును స్కూటర్‌తో అనుసంధానించుకొని కాల్ నోటిఫికేషన్, టెక్స్ట్ నోటిఫికేషన్, ఓవర్ స్పీడ్ అలర్ట్‌, ట్రిప్ రిపోర్ట్ లాంటి ఎన్నో ఫీచర్లను పొందవచ్చు. వీటితోపాటు జుపిటర్‌ గ్రాండ్‌లో సెమి డిజిటల్ మీటర్, సెమి డిజిటల్ స్పీడో మీటర్, డిజిటల్ ఫ్యూయల్ ఇండికేటర్, ఒడో మీటర్, ట్రిప్ మీటర్, సర్వీస్ రిమైండర్, హెల్మెట్ రిమైండర్ వంటి అత్యాధునిక ఫీచర్స్‌ను జోడించారు.
దీనిలో సస్పెన్షన్ అడ్జెస్ట్‌ చేసుకునే విధంగా రూపొందించినట్లు టీవీఎస్‌ మోటార్స్ తెలిపింది. ఇంజిన్‌ సామర్థ్యం పరంగా ఎలాంటి మార్పులూ చేయలేదు. 110సీసీ సింగిల్ సిలిండర్ ఇంజిన్‌ 7.6హెచ్‌పీ శక్తిని, 8.4 న్యూటన్ మీటర్ టార్క్ని విడుదల చేస్తుంది. మరింత ఆకర్షణీయంగా ఉండటం కోసం 3డీ జూపిటర్ లోగో, సరికొత్త టెక్ట్స్‌ బ్లూ కలర్ తో పాటు ముందు భాగంలో, సైడ్ మిర్రర్స్ పైన క్రోం ఫినిష్ పొందుపరిచినట్లు కంపెనీ వర్గాలు తెలిపాయి.