స్టార్ కమెడియన్ షకలక శంకర్ నటిస్తున్న సినిమా ‘కార్పొరేటర్. ఆయన ప్రధాన పాత్రలో కార్పొరేషన్ ఎలక్షన్స్ బ్యాక్డ్రాప్లో కార్పొరేటర్ మూవీ ప్రేక్షకుల ముందుకు రానుంది. ఇందులో శంకర్ సరసన సునీత పాండే, లావణ్య శర్మ- కస్తూరి హీరోయిన్స్ గా నటిస్తున్నారు.
ఈ సినిమాతో సంజయ్ పూనూరి దర్శకుడిగా పరిచయం అవుతున్నారు. సమీప మూవీస్-ఎయు అండ్ ఐ స్టూడియోస్ బ్యానర్స్ సంయుక్తంగా ఈ చిత్రాన్ని నిర్మిస్తున్నాయి. ఎ.పద్మనాభరెడ్డి నిర్మాతగా, డాక్టర్ ఎస్.వి.మాధురి సహ నిర్మాతగా వ్యవహరిస్తున్నారు. ఈ సినిమా దాదాపు 200 థియేటర్స్ లో నవంబర్ 26న ప్రేక్షకుల ముందుకు రాబోతొంది.
ఇందులో 5 పాటలు – 4 ఫైట్స్ కలిగిన రెగ్యులర్ ఫార్మట్ లోనే వినోదానికి పెద్ద పీట వేస్తూ తెరకెక్కుతున్న ఈ చిత్రంలో అంతర్లీనంగా ఒక మంచి సందేశం ఉంటుందని, శంకర్ పెర్ఫార్మెన్స్ ‘కార్పొరేటర్’ చిత్రానికి ప్రధాన ఆకర్షణగా నిలుస్తుందని దర్శకుడు డాక్టర్ సంజయ్ చెబుతున్నారు.