ఐపీఎల్ 2021లో ఢిల్లీ క్యాపిటల్స్‌ యువ బ్యాట్స్‌మన్‌ పృథ్వీ షా మెరుపు బ్యాటింగ్ చేస్తున్నాడు. దేశవాళీ సూపర్‌ ఫామ్‌ను ఇక్కడా కొనసాగిస్తూ బౌండరీలతో విజృంభిస్తున్నాడు. ఇక గత కోల్‌కతా మ్యాచ్‌లో పృథ్వీ షా ఏకంగా ఐదు అవార్డులు గెలుచుకున్నాడు. మ్యాన్‌ ఆఫ్‌ ద మ్యాచ్‌ అవార్డుతో పాటు, సఫారీ సూపర్‌ స్టైకర్‌ అవార్డు, గేమ్‌ ఛేంజర్‌ అవార్డు , క్రెడ్‌ పవర్‌ ప్లేయర్‌ అవార్డు , అప్‌స్టాక్స్‌ మోస్ట్‌ వాల్యూబుల్‌ అసెట్‌ అవార్డు లు షా గెలుచుకున్నాడు. దీంతో షాపై సోషల్ మీడియాలో ప్రశంసల వర్షం కురుస్తోంది. ఈ క్రమంలో షా రూమర్డ్ గర్ల్‌ఫ్రెండ్‌, బాలీవుడ్ హీరోయిన్ ప్రాచి సింగ్‌ కూడా అభినందనలు తెలిపారు. పృథ్వీ షాను విష్‌ చేస్తూ.. ‘నిన్ను చూస్తే గర్వంగా ఉంది’ అని ప్రాచి సింగ్‌ తన ఇన్‌స్టాగ్రామ్‌ స్టోరీస్‌లో రాసుకొచ్చారు. అయితే ఐదు అవార్డులు తీసుకోవడంపై ఓ సెటైర్‌ వేశారు. షా అందుకున్న అవార్డులన్నింటినీ కలిపి ఒక ఫోటోలో జత చేసిన ప్రాచి.. ‘ఆ అవార్డులు అన్ని తీసుకెళ్లడానికి కొత్త సూట్‌ కేసు కావాలేమో’ అని కామెంట్‌ చేశారు. ప్రస్తుతం ఈ ట్వీట్లు నెట్టింట వైరల్ అయ్యాయి. గత కొంతకాలంగా ప్రాచి సింగ్‌తో షా ప్రేమాయణం నడుపుతున్నాడనే వార్తలు షికార్లు చేశాయి.
పృథ్వీ షాపై బాలీవుడ్ హీరోయిన్ సెటైర్‌…
రాయలసీమను రెండో రాజధాని చేయాలి.. టీజీ వెంకటేష్ సంచలన వ్యాఖ్యలు!