పాన్ ఇండియా హీరో ప్రభాస్, పూజాహెగ్డే జంటగా నటించిన సినిమా ‘రాధేశ్యామ్. రొమాంటిక్ ఎంటర్టైనర్ గా తెరకెక్కుతున్న ఈ చిత్రం నుండి విడుదల అయిన పోస్ట‌ర్స్‌, విడియోలు, సాంగ్స్‌ ప్రేక్షకులను అభిమానులను వీప‌రీతంగా ఆకట్టుకుంటున్నాయి. ఈ రాధా కృష్ణ కుమార్ వరల్డ్ క్లాస్ ఫిల్మ్ గా తెరకెక్కించిన చిత్రం లో ప్రభాస్ లుక్స్ కి సూపర్ రెస్పాన్స్ వస్తోంది.
విడుదల తేదీ దగ్గరపడేకొద్ది వరుస అప్డేట్స్ను ప్రకటిస్తూ ఫ్యాన్స్లో జోష్ నింపుతోంది చిత్రబృందం. తాజాగా ఈ సినిమా హిందీ వెర్షన్లోని మరో పాట ‘సోచ్ లియా’ను విడుదల చేశారు. మిథున్ సంగీతం అందిస్తున్న ఈ పాటను బాలీవుడ్ ఫేమస్ సింగర్ అయిన అరిజిత్ సింగ్ పాడటం జరిగింది.
ఇందులోని విజువల్స్ రిచ్గా కనిపించడం సహా సినిమాపై అంచనాలను కూడా మరింతగా పెంచుతోంది. అంతకుముందు విడుదలైైన ‘ఆషికీ ఆగయి’ పాట అభిమానులను విపరీతంగా ఆకట్టుకుంది. యూ వీ క్రియేషన్స్ మరియు టీ సిరీస్ లు సంయుక్తంగా నిర్మిస్తున్న ఈ చిత్రం పై ఫ్యాన్స్లో భారీ అంచ‌నాలు మొద‌లైయ్యాయి.
కాగా, ఈ మూవీలో అలనాటి బాలీవుడ్ హీరోయిన్ భాగ్యశ్రీ కీలకపాత్రలో కనిపించనుంది. జనవరి 14న ప్రపంచవ్యాప్తంగా థియేటర్లలో ఈ సినిమా విడుదల కానుంది.