ప్రొడక్షన్ మేనేజర్ దగ్గర మోసపోయిన ప్రముఖ హాస్యనటుడు

ప్రముఖ తమిళ హాస్య నటుడు సెంథిల్‌. సాలిగ్రామంలోని భాస్కర్ కాలనీలో ఉన్న సెంథిల్ ఫ్లాట్‌ను సహాయరాజ్ అద్దెకు తీసుకున్నాడు.సెంథిల్‌ ఫ్లాట్‌తో కలిపి ఆ అపార్ట్‌మెంట్‌లో మొత్తం 10 ఫ్లాట్స్ ఉన్నాయి. అపార్ట్‌మెంట్ మొత్తాన్ని అద్దెకు తీసుకున్నాడు సహాయరాజ్ అనే సినిమా ప్రొడక్షన్ మేనేజర్. సెంథిల్ పోర్షన్‌కు నెలకు రూ.2.60 కోట్లు అద్దె చెల్లిస్తున్నాడు. 2013 నుంచి అద్దెకు ఉంటున్న అతను గత 6 నెలలుగా సరిగా అద్దె చెల్లించడం లేదు. దీనిపై అతనితో మాట్లాడేందుకు ప్రయత్నించినా అతను టచ్‌లోకి రాలేదు. దీంతో నేరుగా అపార్ట్‌మెంట్ వద్దకు వెళ్లగా, సెంథిల్‌కి షాకింగ్ విషయం తెలిసింది. సెంథిల్ ఫ్లాట్‌తో సహా ఆ అపార్ట్‌మెంట్ మొత్తం తనదేనని సహాయరాజ్ దాన్ని లీజుకు ఇచ్చినట్టు తెలిసింది. తన వద్ద అద్దెకు తీసుకుని మరొకరికి లీజుకు ఇవ్వడంపై సెంథిల్ ఆగ్రహం వ్యక్తం చేశారు. దానిపై విరుగంబాక్కమ్ పోలీస్ స్టేషన్‌లో ఫిర్యాదు చేశాడు.కేసు నమోదు చేసుకున్న పోలీసులు దర్యాప్తు ప్రారంభించారు