`సరిలేరు నీకెవ్వరు` సినిమా విడుదలై నేటితో 50 రోజులు పూర్తవుతున్న సందర్భంగా చిత్రబృందం తాజాగా `మైండ్ బ్లాక్` పాట వీడియోను విడుదల చేసింది. సంక్రాంతి పండుగకు ప్రేక్షకుల ముందకు వచ్చిన ఈ చిత్రం భారీ వసూళ్లు సాధించింది. దేవిశ్రీప్రసాద్ సంగీతం అందించిన ఈ సినిమాలోని పాటలన్నీ అభిమానులను ఆకట్టుకున్నాయి. ముఖ్యంగా `మైండ్ బ్లాక్` సాంగ్ మహేష్ ఫ్యాన్స్‌ను ఫుల్ ఖుషీ చేసింది.లుంగీ కట్టుకుని మరీ మహేష్ మాస్ స్టెప్పులకు వేసాడంటే ఇక ఫ్యాన్స్ ఆగుతారా. ఈ పాట కోసం మహేష్, రష్మిక వేసిన మాస్ స్టెప్పులు అభిమానులను ఫిదా చేశాయి. ‘బాబూ నూ సెప్పు.. వాడ్ని కొట్టమని డప్పు’.. సూపర్‌స్టార్ మహేష్ బాబు అభిమానులు థియేటర్లలో పూనకాలతో ఊగిపోయిన పాట ఇది. అనిల్ రావిపూడి దర్శకత్వం వహించిన ఈ సినిమా సంక్రాంతికి విడుదలై బ్లాక్ బస్టర్ విజయం అందుకుంది. ఈ సినిమా రిలీజ్ అయ్యి ఈరోజుకి సక్సెస్‌ఫుల్‌గా 50 రోజులు పూర్తి చేసుకుంది. ఈ సందర్భంగా ‘మైండ్ బ్లాక్’ ఫుల్ సాంగ్‌ని రిలీజ్ చేసింది టీం. ఈ పాట రిలీజ్ అయిన గంటలోనే నాలుగు లక్షలకు పైగా వ్యూస్ వచ్చాయి.అనిల్ రావిపూడి సరిలేరు నీకెవ్వరు సినిమాకు సంబంధించిన ప్రెస్ మీట్ పెట్టినప్పుడే ఫ్యాన్స్ మరిచిపోలేని మాస్ పాట అందిస్తానని చెప్పాడు. ఆయన ఇచ్చిన మాటను నిలబెట్టుకున్నాడు.
మహేష్,రష్మిక నటించిన ‘మైండ్ బ్లాక్’ వీడియో సాంగ్ రిలీజ్
