మెగాస్టార్ చిరంజీవి ప్రస్తుతం వరస ప్రాజెక్ట్లతో దూసుకుపోతున్నాడు. మెహర్ రమేష్ దర్శకత్వంలో చిరంజీవి హీరోగా రూపొందుతున్న సినిమా ‘భోళా శంకర్’ ఒకటి.. కలకత్తా నేపథ్యంలో తెరకెక్కుతున్న ఈ సినిమాలో కీర్తి సురేష్ మెగాస్టార్ చెల్లెలి గా మిల్క్ బ్యూటీ తమన్నా హీరోయిన్గా నటిస్తుంది.
ఇప్పటికే ఆచార్య రిలీజ్ కు ఉండగా.. మలయాళ లూసీఫర్ రీమేక్ గాఢ్ ఫాదర్ షూటింగ్ సూపర్ ఫాస్ట్ గా నడుస్తుంది. తమిళ మూవీ వేదాళం కు రీమేక్ గా భోళా శంకర్ మూవీ చేస్తున్నాడు చిరు.
కొత్త సంవత్సరం సందర్భంగా ఫ్యాన్స్కు మెగా ట్రీట్ ఇచ్చారు ‘భోళా శంకర్’ చిత్ర బృందం. తాజాగా భోళా శంకర్ మోషన్ పోస్టర్ ను రిలీజ్ చేశారు. ఇందులో చిరంజీవి చాలా స్టైలిష్గా కనపడుతున్నారు.
మొహానికి చేయి అడ్డు పెట్టుకుని..చేతికి కలర్ దారాలు.. డిఫరెంట్ హెయిర్ స్టైల్ తో, కూలింగ్ గ్లాసెస్ పెట్టుకుని ఒకప్పటి చిరు కనిపించాడు. 18 సెకన్ల నిడివి గల ఈ వీడియోను న్యూ ఇయర్ సందర్భంగా ‘స్వాగ్ ఆఫ్ బోళా’ అంటూ విడుదల చేశారు.
ఏకే ఎంటర్టైన్మెంట్స్ బ్యానర్ పై తెరకెక్కుతున్న ఈమూవీకి మణిశర్మ కుమారుడు మహతి స్వర సాగర్ సంగీతం అందిస్తున్నారు. ప్రస్తుతం శరవేగంగా జరుపుకుంటున్న ఈ మూవీ త్వరలోనే ప్రేక్షకుల ముందుకు రానుంది.