టాలీవుడ్ మోస్ట్ బ్యాచులర్ లిస్ట్‌లో ఒకడైన రానా దగ్గుబాటి త్వరలో ఓ ఇంటివాడు కాబోతున్నారు. తాను ప్రేమించిన అమ్మాయి తనకు ఓకే చెప్పేసిందని తాజాగా సోషల్ మీడియాలో వెల్లడించిన రానా.. తన పేరు మిహీకా బజాజ్ అని ఫొటో షేర్ చేశారు. ఇక తనకు సంబంధించిన కొన్ని ఆసక్తికర విషయాలు ఇప్పుడు సోషల్ మీడియాలో చక్కర్లు కొడుతున్నాయి.
హైదరాబాద్‌కు చెందిన మిహీకా ముంబయిలో ఇంటీరియర్ డిజైనర్‌గా పని చేస్తున్నారు. డ్యూ డ్రాప్ డిజైన్ పేరుతో ఓ ఈవెంట్ మేనేజ్‌మెంట్ అండ్ డెకార్ కంపెనీని నిర్వహిస్తున్నారు. భారతీయ సంస్కృతి, సంప్రదాయాలపై ఆసక్తి కలిగిన మిహీకా.. ముంబయిలోని రచన సంసాద్‌లో ఇంటీరియర్ డిజైన్‌లో డిప్లొమా చేశారు. అలాగే లండన్‌లోని చెల్షియా యూనివర్సిటీ ఆఫ్ ఆర్ట్స్ అండ్ డిజైన్‌లో ఎంఏ చేశారు. తన ఇన్‌స్టాలోని సమాచారం ప్రకారం పిక్సి డస్ట్‌ అనే బ్లాగ్‌ను ఆమె మెయిన్‌టెన్ చేస్తున్నారు. ఇక మిహీకా తల్లి బంటీ బజాజ్ జ్యువెల్లరీ డిజైనర్ కాగా క్స్రలా బ్రాండ్ పేరుతో డిజైన్లు చేస్తున్నారు.
అంతేకాదు ఇండియాలోని టాప్ వెడ్డింగ్ డెకార్ ప్లాన్‌లో ఒకరిగా బంటీ పేరు గాంచారు. మిహీకా తండ్రి పేరు సురేష్. ఇక మిహీకాకు సమర్థ్ అన్న సోదరుడు ఉండగా.. అతడు ప్రముఖ డిజైనర్ కునాల్ రావల్ సోదరి శాషాను వివాహం చేసుకున్నారు. వీటితో పాటు హౌస్ ఆఫ్ స్టార్స్ పేరుతో పాత బాలీవుడ్ సినిమాలోని సీన్లను మిహీకా, సమర్థ్ రీ క్రియేట్ చేస్తున్నారు.
ఆ సినిమాలు చేయను… దర్శకులకు నచ్చకపోవచ్చు : రష్మిక