క్రేజీ హీరో విజయ్ దేవరకొండ, రష్మిక మందన జంటగా నటించిన ఈ ‘డియర్ కామ్రేడ్’ సినిమా నిజానికి తెలుగు ప్రేక్షకులను ఆకట్టుకోలేకపోయింది. తమిళం, మలయాళం, కన్నడ భాషల్లోనూ పెద్దగా బిజినెస్ జరగలేదు. కానీ, హిందీ ప్రేక్షకులకు మాత్రం విపరీతంగా నచ్చేస్తుంది. గోల్డ్‌మైన్స్ టెలీఫిలింస్ సంస్థ ‘డియర్ కామ్రేడ్’ హిందీ అనువాద హక్కులను కొనుగోలు చేసింది. ఈ ఏడాది జనవరి 19న తమ యూట్యూబ్ ఛానెల్‌లో ఈ సినిమాను విడుదల చేసింది. రిలీజ్ చేసిన 24 గంటల్లోనే ఈ చిత్రం 12 మిలియన్ వ్యూస్‌ను కొల్లగొట్టింది. ఇప్పుడు ఏకంగా 2 మిలియన్ లైక్స్‌తో రికార్డ్ సృష్టించింది. లైక్స్ విషయంలో ఇప్పటి వరకు ఏ భారతీయ చిత్రం సాధించని ఘనతను ‘డియర్ కామ్రేడ్’ సాధించింది. ‘డియర్ కామ్రేడ్’ హిందీ అనువాద చిత్రానికి యూట్యూబ్‌లో 2 మిలియన్ లైక్స్ వచ్చాయి. ఇప్పటి వరకు ఏ భారతీయ చిత్రానికి ఈ స్థాయిలో లైక్స్ రాలేదు. యూట్యూబ్‌లో 2 మిలియన్ లైక్స్ సాధించిన తొలి భారతీయ చిత్రం ‘డియర్ కామ్రేడ్’. కాగా టాలీవుడ్‌లో క్రేజీ స్టార్స్ నటించిన సినిమాలను హిందీలోకి అనువాదం చేసి యూట్యూబ్‌లో విడుదల చేస్తోన్న సంగతి తెలిసిందే. మన తెలుగు సినిమాలను హిందీ ప్రేక్షకులు బాగా ఆదరిస్తున్నారు. ఇప్పటికే అల్లు అర్జున్, రామ్ పోతినేని, బెల్లంకొండ శ్రీనివాస్ చిత్రాలు, నితిన్ సినిమాలు వందల మిలియన్ల వ్యూస్‌ను రాబట్టాయి. ప్రస్తుతం విజయ్ దేవరకొండ… పూరి జగన్నాథ్ దర్శకత్వంలో తెరకెక్కుతోన్న ‘ఫైటర్’ సినిమాలో నటిస్తున్నాడు. ఈ సినిమా తెలుగుతో పాటు హిందీ, తమిళం, మలయాళం, కన్నడ భాషల్లో విడుదల చేస్తున్న సంగతి తెలిసిందే. హిందీలో కరణ్ జోహార్ ఈ చిత్రాన్ని సమర్పిస్తున్నారు.
ఆ రికార్డు సాధించిన తొలి భారతీయ చిత్రం “డియర్ కామ్రేడ్”
