“హీరో అంటే అటు నిర్మాతల క్షేమం , ఇటు ప్రేక్షకుల మంచి చెడ్డలు చూడాలి. అంతే కానీ ఒక సినిమా హిట్ అయ్యిందని ఎడాపెడా రేట్లు పెంచడం కాదు పవన్ కళ్యాణ్ ” అని పోసాని హితవు పలికారు. జనసేన అధ్యక్షుడు , హీరో పవన్ కళ్యాణ్ “రిపబ్లిక్ ” సినిమా ప్రీ రిలీజ్ ఈవెంట్ లో చేసిన ఆంధ్ర ప్రదేశ్ ప్రభుత్వంపై చేసిన విమర్శలకు పోసాని కృష్ణ మురళి తీవ్రంగా ప్రతిస్పందించారు .
“కన్నడ రాజ్ కుమార్ కర్ణాటకలో సూపర్ స్టార్ మాత్రమే కాదు భారత దేశ సినిమా రంగంలోనే టాప్ స్టార్. ఒకసారి రాజ్కుమార్ తన నిర్మాతలు, పంపిణీదారులు ఇంటికి భోజనానికి ఆహ్వానించారు . రాజకుమార్ ఆహ్వానించడంతో ఎందరో సంతోషంగా వచ్చారు . భోజనం చేసిన తరువాత రాజ్ కుమార్ అందరికీ నమస్కరించి ” నేను చాలా కాలం నుంచి ఒకే పారితోషికం తీసుకుంటున్నా , ఎప్పుడూ పెంచలేదు , నా సినిమాలన్నీ విజయం సాధించి మంచి వసూళ్లు సంపాదించి పెడుతున్నాయి . నాకు కుటుంబం , బరువు , బాధ్యతలు వున్నాయి ” అంటూ వారివైపు చూశారు .
ఆయన నిర్మాతలు , పంపిణీదారులు ఆతృతగా చూస్తున్నారు , రాజ్ కుమార్ ఏమి చేబుతారా అని . అప్పుడు రాజ్ కుమార్ ” ఇక నుంచి నేను ఒక 25 వేలు పెంచుతాను , అది కూడా మీరంతా అంగీకరిస్తే ” అని వినమ్రగా చెప్పాడట .అందరు ఆయన అన్న మాటలకు చలించి పోయారట . “మీరు పాతిక వేలు పెంచుకోవడానికి మమల్ని పిలిచి అడగాలా ?” అన్నారట .
అందుకు రాజ్ కుమార్ బదులిస్తూ ” మీ వల్లనే కదా నేను నా కుటుంబంతో అన్నం తింటున్నాను. మీ వల్లనే కాదా నేను ఇల్లు కట్టుకున్నాను , ” అన్నారట .”అయ్యో ఎంత మాట సార్ , మీరు ఎంతయినా పెంచండి , మాకు అభ్యంతరం లేదు ” అని చెప్పారట . అందుకు రాజ్ కుమార్ వారందరికీ ధన్యవాదం చెప్పి ” ఒక్క పాతిక వేలు మాత్రం పెంచుతాను ” అని చెప్పారట.
“పవన్ కళ్యాణ్ రాజ్ కుమార్ కు నీకు ఏమైనా పోలిక ఉందా ? ఆయన సినిమా వాడే , నువ్వు సినిమావాడివే . నువ్వు సూపర్ స్టార్ అయితే ఆయన సూపర్ స్టారే . మరి మీ ఇద్దరిలో .. ప్రవర్తనలో .. సంస్కారం .. మానవత్వంతో ఎంత తేడా ? ” అని పోసాని తీవ్ర స్వరంతో ప్రశ్నించారు .