ప్రపంచ దేశాలను అల్లడిస్తున్న కరోన వైరస్ ఇప్పుడు చర్చనీయాంశంగా మారింది. దీనికి సంబంధించి శాస్త్రవేత్తలు పరిశోధనలు జరుపుతున్నారు. మరోవైపు, కరోనా వైరస్ ఏ స్థాయి ఉష్ణోగ్రత వరకు బతికి ఉంటుందనే చర్చ కూడా జరుగుతోంది. ఎక్కువ ఉష్ణోగ్రతలో ఆ వైరస్ బతకదని కొందరు చెపుతున్నారు. దీనిపై ఫ్రాన్స్ లోని మార్సెల్లీ విశ్వవిద్యాలయానికి చెందిన ప్రొఫెసర్ రెమీ చారెల్ మాట్లాడుతూ కరోనా వైరస్ 92 డిగ్రీల సెంటిగ్రేడ్ వద్ద కూడా బతికి ఉంటుందని చెప్పారు.
60 డిగ్రీల సెంటీగ్రేడ్ వద్ద కూడా వ్యాపిస్తుందని అన్నారు. 92 డిగ్రీల ఉష్ణోగ్రత వద్ద ఈ వైరస్ 15 నిమిషాల పాటు బతుకుతుందని తమ పరిశోధనల్లో తేలిందని రెమీ తెలిపారు. 60 డిగ్రీల సెంటీగ్రేడ్ వద్ద గంట సేపు దాన్ని పరిశోధించామని తెలిపారు. అప్పుడు దాని వైరల్ కౌంట్ మాత్రమే తగ్గిందని, వ్యాప్తి చెందే శక్తి మాత్రం అలాగే ఉందని చెప్పారు. 56 నుంచి 60 డిగ్రీల మధ్య కరోనా వైరస్ శక్తి కొంత మాత్రమే తగ్గిందని రెమీ తెలిపారు. వైరస్ లు పరిస్థితులకు తగ్గట్టు రూపాంతరం చెందుతుందన్నారు.
అక్రమ నిర్మాణంలోనే చంద్రబాబు నివాసం: రామకృష్ణారెడ్డి