మెగాస్టార్ చిరంజీవి హీరోగా న‌టించిన మూవీ ‘ఆచార్య. కొరటాల శివ దర్శకత్వం వహిస్తున్న ఈ సినిమాలో మెగా పవర్ స్టార్ రామ్ చరణ్ కీలక పాత్రలో కనిపించబోతున్నాడు. రామ‌చ‌ర‌ణ్ ‘సిద్ధ’ అనే పాత్రలో చరణ్ సందడి చేయనున్నాడు. ఈ సినిమాలో చిరు సరసన కాజల్ అగర్వాల్, చరణ్ సరసన పూజా హెగ్డే సందడి చేయనున్నారు.
ఈ సినిమా నుంచి ఇప్ప‌టివ‌ర‌కు విడుదలైన పోస్టర్లు, టీజర్లు, పాటలు ఫ్యాన్స్‌ను బాగా ఆకట్టుకున్నాయి. కాగా ‘ఆచార్య’ సినిమాలో చరణ్ ఎంతసేపు ఉంటాడనేది ఆసక్తికరంగా మారింది. సోషల్‌ మీడియాలోనూ దీనికి సంబంధించి దీనికి సంబంధించి పలు రకాల వార్తలు చ‌క్క‌ర్లు కొడుతున్నాయి.
అయితే, తాజా సమాచారం ప్రకారం చరణ్ పాత్ర నిడివి 40 నిమిషాలవరకు ఉంటుందట. ఇంట్రవెల్ బ్యాంగ్ పడేముందు చరణ్ పాత్ర ఎంట్రీ ఉంటుందని, సెకండాఫ్‌లో 40 నిమిషాలకు పైగానే ఉండబోతుందని తెలుస్తోంది.
ఇందులో చిరు – చరణ్‌ల కాంబినేషన్ సీన్స్ గూస్‌బంస్ వచ్చేలా ఉంటాయని ఇప్పటికే చిత్ర దర్శకుడు కొరటాల శివ చెప్పుకొచ్చారు. ఆ విషయం ఇటీవల వచ్చిన సిద్ద పాత్రకు సంబంధించిన టీజర్‌లోనూ అర్థమైంది.
కొణిదెల ప్రొడక్షన్స్ సమర్పణలో మ్యాట్నీ ఎంటర్‌టైన్మెంట్స్ బ్యానర్‌పై నిరంజన్ రెడ్డి ‘ఆచార్య’ చిత్రాన్ని నిర్మిస్తున్నారు. ఇప్పటికే షూటింగ్‌ పూర్తి చేసుకన్న ఈ సినిమా 2022, ఫిబ్రవరి 4న ప్రపంచ వ్యాప్తంగా విడుదల కానుంది.
బిగ్ బాస్-3లో నన్ను హింసించారు : నటి మధుమిత