ఒకప్పుడు తెలుగు ప్రేక్షకులను తమ నటనతో అలరించిన సీనియర్ హీరోయిన్లంతా ఇప్పుడు మరోసారి తెలుగు తెరపై రీఎంట్రీ ఇవ్వడానికి ఆసక్తి చూపిస్తున్నారు. ఇప్పటికే ఈ లిస్ట్ లో విజయశాంతి, లైలా చేరిపోయారు. ఇక ఇప్పుడు సంఘవి కూడా రీఎంట్రీకి సిద్ధమవుతోంది. సంఘవి పేరు ఈ తరం వారికి పరిచయం లేకపోయినా, కొంతమంది సీనియర్ సినీ ప్రేక్షకులికి ఈ పేరు సుపరిచితమే! దక్షిణాదిన చెప్పుకోదగిన సినిమాలు చేసిన సంఘవి పెళ్ళి చేసుకుని సినిమాలకు దూరమైంది. ఎప్పుడన్నా సినీ ఫంక్షన్లలో కనిపించడం తప్ప సంఘవి బయట ఎక్కువగా కనిపించడం మానేసింది. తిరిగి ఇన్ని సంవత్సరాలకు తనకు నటించాలనే కోరిక కలిగిందట! ముఖ్యంగా తెలుగులో ఓ మంచి కథతో రీ ఎంట్రీ ఇవ్వాలని చూస్తోందట. ఇదే విషయాన్ని ఇటీవల ఓ ఇంటర్వ్యూలో చెప్పింది. కాకపోతే ఎలాంటి సినిమా కోసం ఎదురుచూస్తోందో మాత్రం చెప్పలేదు. మరి సంఘవి ఎలాంటి పాత్రల్లో కన్పిస్తుందో చూడాలి.
తెలుగులో రీఎంట్రీకి మరో హీరోయిన్ వెయిటింగ్ ?
