బుల్లితెర కళాకారుల సంఘం కార్యదర్శి, ప్రముఖ సినీనటి ఖుష్బూ రాష్ట్రంలో టీవీ సీరియల్స్‌ షూటింగ్‌ ఈ నెల 10 నుంచి కరోనా నిరోధక నిబంధనలతో ప్రారంభమవుతుందని తెలిపారు. సీరియల్స్‌ షూటింగ్‌లో పాటించాల్సిన నిబంధనలు గురించి చర్చించేందుకు ఇటీవల బుల్లి తెర కళాకారుల సంఘం సమావేశం ఆ సంఘం అధ్యక్షురాలు సుజాత అధ్యక్షతన జరిగిందన్నారు. ఆ సమావేశంలో మాజీ అధ్యక్షురాలు రాధికా శరత్‌కుమార్‌, తాను పాల్గొన్నామని, సాంకేతిక కళాకారులను మినహాయించి సీరియల్‌ షూటింగ్‌లలో 40 మంది పాల్గొనాలని సమావేశంలో తీర్మానించినట్టు తెలిపారు. టీవీ సీరియల్స్‌ షూటింగ్‌లో నటీనటులతో సహా 60 మంది వరకు పాల్గొనేందుకు ప్రభుత్వం అనుమతించిందని ఆమె పేర్కొన్నారు. షూటింగ్‌లో నటిస్తున్నప్పుడు మాత్రమే నటీనటులు మాస్కులు ధరించరని, తక్కిన సమయాల్లో తప్పకుండా మాస్కులు ధరించాలన్నారు. అదే విధంగా షూటింగ్‌లో పాల్గొనే నటీనటులు, దర్శకులు, కెమెరామెన్‌ సహా 40 మంది తమ ఇళ్ళ నుంచే భోజనాలు తెచ్చుకోవాలని ఆమె విజ్ఞప్తి చేశారు. షూటింగ్‌ స్థలాల్లో, ప్రత్యేకించి స్టూడియో ఫ్లోర్లలో తరచూ క్రిమినాశని చల్లాలని, షూటింగ్‌లో పాల్గొనే 40 మంది తరచూ శానిటైజర్లతో నాలుగైదుసార్లు చేతులను శుభ్రంగా కడగాలని ఖుష్బూ తెలిపారు.
ఈ నెల 10 నుంచి సీరియల్స్‌ షూటింగ్స్ ప్రారంభం : ఖుష్బూ
నైట్ ఫ్రీగా ఉంటావా ? 50 వేలు జీతం ఇస్తా అన్నారు : కరాటే కళ్యాణి