సాయి పల్లవి.. ఎంత గ్రేట్ డ్యాన్సరో ‘ ఫిదా ‘ మూవీ నిరూపించింది. ఆ సినిమాలోని ‘ వచ్చిందే మెల్లా మెల్లగ వచ్చిందే’ సాంగ్ జనాలకు నచ్చడమే కాదు. యూట్యూబ్ ను కూడా ఓ ఊపు ఊపింది. అలాగే ఆమె తమిళ్లో హీరో ధనుష్ సరసన నటించిన మారి-2 సినిమా లోని ‘ రౌడీ బేబీ ‘సాంగ్ కూడా దేశవ్యాప్తంగా పాపులర్ అయింది. యూట్యూబ్ లో ఆ సాంగ్ 500 మిలియన్స్ పైగా వ్యూస్ దక్కించుకుంది. పడి పడి లేచే మనసు, ఎంసీఏ చిత్రాల్లో కూడా సాయి పల్లవి డ్యాన్స్ తో ఆకట్టుకుంది. ప్రస్తుతం సాయి పల్లవి శేఖర్ కమ్ముల దర్శకత్వంలో నాగ చైతన్య హీరోగా తెరకెక్కుతున్న ‘లవ్ స్టోరీ ‘ చిత్రంలో హీరోయిన్ గా నటిస్తోంది. ఫిదా మూవీలోని పాటలకు చక్కటి ప్రదర్శన చేసిన సాయి పల్లవికి మరో బాధ్యత అప్పగించాలని శేఖర్ కమ్ముల డిసైడ్ అయ్యాడట. లవ్ స్టోరీ సినిమాలో ఓ పాటకు కొరియోగ్రఫీ అందించాలని కోరగా..అందుకు సాయి పల్లవి ఓకే చెప్పిందని సమాచారం. గ్రేట్ డ్యాన్సర్ అయిన సాయి పల్లవి.. తన పాటకు తనే కొరియోగ్రఫీ చేస్తే ఇక అదిరి పోవడం ఖాయమని ఆమె అభిమానులు ధీమా వ్యక్తం చేస్తున్నారు.
స్టార్ డ్యాన్సరే.. కొరియోగ్రాఫర్ అయితే…!
