ఇటీవల జరిగిన సార్వత్రిక ఎన్నికల్లో ఒంగోలు శాసన సభ్యునిగా విజయం సాధించిన దామచర్ల.జనార్ధన్ ను ఆంధ్ర కేసరి విశ్వ విద్యాలయం ఉప కులపతి ప్రొఫెసర్ మారెడ్డి. అంజిరెడ్డి శుక్రవారం ఆయన క్యాంపు కార్యాలయానికి వెళ్లి గౌరవ పూర్వకంగా కలిశారు. ఈ సందర్భంగా ఆయన జనార్ధన్ తో కరచాలనం చేసి హృదయ పూర్వక శుభాకాంక్షలు తెలిపారు. ఈ కార్యక్రమంలో భాగంగా నూతన ఎమ్మెల్యే జనార్ధన్ ను ఉప కులపతి ప్రొఫెసర్ అంజి రెడ్డి, ఏకేయూ రిజిస్ట్రార్ ప్రొఫెసర్ బి. హరిబాబు తదితరులు బొకే ఇచ్చి, శాలువాతో ఘనంగా సన్మానించారు. ఈ సందర్భంగా వైస్ ఛాన్సలర్ ప్రొఫెసర్ అంజి రెడ్డి, రిజిస్ట్రార్ ప్రొఫెసర్ హరిబాబు తదితరులు ఒంగోలు ఎమ్మెల్యే దామచర్ల జనార్ధన్ తో కాసేపు ముచ్చటించారు. ఈ కార్యక్రమంలో జనసేన పార్టీ జిల్లా అధ్యక్షుడు రియాజ్, విజయ భారతి బి.ఎడ్. కళాశాల కరస్పాండెంట్ చంద్ర తో పాటు కార్యాలయ సిబ్బంది పాల్గొన్నారు.
దామచర్లను కలిసిన ఏ.కే.యూ. వైస్ ఛాన్సలర్ ప్రొఫెసర్ ఎం. అంజిరెడ్డి – సాదరంగా ఆహ్వానించిన ఎమ్మెల్యే జనార్ధన్…
మోదీ మళ్లీ ప్రధాని అయితే ఏం చేస్తారోనని భయం: శరద్ పవార్