మాస్టర్ భరత్ తెలుగు ప్రేక్షకులకు సుపరిచితమే. తాజాగా భరత్ ఓ మీడియా ఛానల్‌కి ఇచ్చిన ఇంటర్వ్యూ పలు ఆసక్తికరమైన విషయాలను పంచుకున్నారు. ఈ సందర్భంగా తన కుడి కన్ను కనిపించదు అంటూ షాకింగ్ విషయాన్ని బయటపెట్టారు. ఒక యూట్యూబ్ ఛానల్‌కి ఇచ్చిన ఇంటర్వ్యూలో భరత్ మాట్లాడుతూ.. ‘నాకు ఊహ తెలిసినప్పుటి నుండి సినిమాల్లో నటిస్తూనే ఉన్నా.. మూడేళ్ల వయసు నుండి నటిస్తున్నా. ఒకవైపు సినిమాలు చేస్తూనే మెడిసిన్ పూర్తి చేశా. ప్రస్తుతం మెడిసిన్‌లోనే డాక్టరేట్ చేస్తున్నా. నేను చైల్డ్ ఆర్టిస్ట్ నుండి ఇప్పుడు పెద్దవాడినయ్యా. స్కూల్, కాలేజ్ అంతా అయిపోయింది కాని నేను ఇంకా అమ్మచాటు బిడ్డనే. లవ్ లాంటివేం లేవు.. కాని ప్రపోజ్‌లు వచ్చేవి. నేను చెన్నైలో కాలేజ్ జాయిన్ అయ్యా. అప్పుడు బాగా సన్నబడ్డా. ఎందుకంటే ఆసందర్భంలో నాకు మేజర్ యాక్సిడెంట్ అయ్యింది. నా కన్నుకి పెద్ద దెబ్బ తగిలింది. నా కన్ను ఒకటి పనిచేయదు. కళ్ల జోడుతోనే తిరిగేవాడిని. ఆ యాక్సిడెంట్ ఎలా జరిగింది అంటే.. వర్కౌట్ చేస్తున్నప్పుడు రాడ్‌లో ఉండే స్ప్రింగ్ వచ్చి కన్నుకి గట్టిగా తగిలేసింది.డాక్టర్ దగ్గరకు వెళ్లగానే ఆయన చెక్ చేశారు.. అప్పటికే నా కుడి కన్ను కనిపించడం మానేసింది. ఐలో బ్లాక్ ఉంటుంది.. మెడిసిన్ ఇస్తే కవర్ కావచ్చు అన్నారు. కాని ఇప్పటికీ ఆ ఇబ్బంది నాకు ఉంది. ఓవర్ లైట్ చూస్తే ఐ క్లోజ్ అవుతుంది. అందుకే గ్లాస్ పెట్టుకుని కాలేజ్‌కి వెళ్లేవాడిని. ను కాలేజ్‌కి వెళ్లే సరికి గుంపులు గుంపులుగా ఉన్నారు.. నేను తిరిగి ఇంటికి వెళ్లేటప్పుడు కాలేజ్ బస్ ఎక్కి కూర్చున్నా.. వెంటనే పక్క సీట్‌లో నా సీనియర్ ఒకరు కూర్చుని తమ్ముడు మీ క్లాస్‌లో ఎవడో యాక్టర్ ఉన్నాడట కదా.. వస్తే చెప్పు మాట్లాడతా అన్నారు. అది నేనే అన్నయ్య అని చెప్పా. నేను నమ్మను అన్నాడు. ఎందుకంటే బాగా సన్నబడ్డా కాబట్టి. కాని పక్క క్లాస్‌లో నాలా లావుగా ఉండే అబ్బాయిని నేనే అనుకుని వాడికి ప్రపోజ్‌లు వచ్చేవి. అప్పడు బాధపడ్డా. అరే నేను లావుగా ఉంటే బాగుండే లవ్ ప్రపోజ్‌లు వస్తున్నాయ్ అనుకున్నా’ అంటూ చెప్పుకొచ్చారు మాస్టర్ భరత్. వెంకీ, రెడీ, ఢీ, కింగ్, బిందాస్, మిస్టర్ పర్ఫెక్ట్ లాంటి 80కి పైగా చిత్రాల్లో చైల్డ్ ఆర్టిస్ట్‌గా నటించారు. చిట్టి నాయుడిగా చిన్నతనం నుండి అద్భుత నటనను ప్రదర్శించిన మాస్టర్ భరత్ పెద్దవాడై అల్లు శిరీష్ ‘ABCD’ చిత్రంతో సెకండ్ హీరోగా నటించిన విషయం తెలిసిందే. ప్రస్తుతం సాగర్ దర్శకత్వంలో ఓ సినిమాలో చేస్తున్నారు.
లవ్ ప్రపోజల్స్ వస్తున్నాయి కానీ … లావుగా ఉంటేనే …!
