టాలీవుడ్ సూపర్ స్టార్ మహేష్ బాబు ప్రస్తుతం వంశీ పైడిపల్లి దర్శకత్వంలో “మహర్షి” సినిమా రూపొందుతున్న విషయం తెలిసిందే. ఇప్పుడు విడుదలకు సిద్ధమవుతున్న ఈ సినిమా ప్రొమోషన్ కార్యక్రమాల్లో బిజీగా ఉన్నారు. తాజాగా వంశీ సతీమణి మాలిని పుట్టినరోజు సందర్భంగా పార్టీని ఏర్పాటు చేశారు వంశీ పైడిపల్లి. ఈ పార్టీలో ఇద్దరు స్టార్ హీరోలు తమ కుటుంబాలతో కలిసి సందడి చేశారు. మహేష్ బాబు తన భార్య నమ్రతతో కలిసి ఈ పార్టీకి హాజరు కాగా, ఎన్టీఆర్ కూడా తన భార్య లక్ష్మీ ప్రణతితో హాజరై మాలినికి శుభాకాంక్షలు తెలిపారు. ఇద్దరు స్టార్ హీరోల రాకతో ఈ పార్టీ అద్భుతంగా జరిగింది. మాలిని పుట్టినరోజు సందర్భంగా వీరంతా కలిసి దిగిన ఫోటోలు సోషల్ మీడియాలో వైరల్ గా మారాయి. గతంలో ఎన్టీఆర్, వంశీ పైడిపల్లి కాంబినేషన్ లో “బృందావనం” సినిమా వచ్చిన విషయం తెలిసిందే.
పైడిపల్లి మాలిని పుట్టినరోజు… సందడి చేసిన మహేష్, ఎన్టీఆర్
మీటూ ఆరోపణల వల్ల అవకాశాలు దూరం : తమన్నా