నేడు భారీగా పడిపోయిన పసిడి ధరలు…

బంగారం ధరలు భారీగా తగ్గాయి. గత కొన్ని రోజులుగా బంగారం ధరలు క్రమంగా పెరిగిన విషయం తెలిసిందే. దీపావళి పండుగ అయిపోగానే బంగారం ధరలు దిగివచ్చాయి. దీపావళి కంటే ముందు బంగారం, వెండి ధరలకు రెక్కలు వచ్చాయి. కరోనా వైరస్‌ విజృంభించిన తర్వాత బంగారం ధరలు చుక్కలు చూపించిన ఇప్పుడు మళ్ళీ మార్కెట్ పుంజుకోవడంతో ధరలు తగ్గాయి. కానీ ఈరోజు ఢిల్లీలో బంగారం ధరలు స్థిరంగా ఉండగా హైదరాబాద్ లో మాత్రం భారీగా తగ్గాయి. కరోనా అనంతరం 50 వేల ను దాటినా బంగారం ఇప్పుడు మొదటిసారి కిందకి దిగ్గి వచ్చింది. అయితే ఢిల్లీలో 10 గ్రాముల 24 క్యారెట్ల బంగారం ధర స్థిరంగా రూ. 52,750 పలుకుతోంది. 10 గ్రాముల 22 క్యారెట్ల బంగారం ధర కూడా స్థిరంగా రూ. 48,350 వద్ద ముగిసింది. ఇక హైదరాబాద్ విషయానికి వస్తే..10 గ్రాముల 24 క్యారెట్ల బంగారం ధర రూ. 500 తగ్గి రూ. 49,900 కు చేరింది. అలాగే 10 గ్రాముల 22 క్యారెట్ల బంగారం ధర 450 తగ్గి రూ. 45,750 పలుకుతోంది. ఇక వెండి విషయానికి వస్తే 400 పెరిగి రూ. 70,300 కు చేరుకుంది.