బాలీవుడ్ కండల వీరుడు, హీరో సల్మాన్ ఖాన్, హీరోయిన్ సోనాక్షి సిన్హా రహస్యంగా పెళ్లి చేసుకున్నారంటూ కొద్ది రోజులుగా సోష‌ల్ మీడియాలో వార్తలు షికార్లు చేస్తున్నాయి. నెట్టింట్లో ఓ ఫొటో కూడా వైరల్గా మారింది.
ఆ ఫోటోలలో సల్మాన్ ఖాన్, సోనాక్షి సిన్హా ఉంగరాలు మార్చుకుంటుండడంతో.. నెటిజన్లు కొందరు ఇది నిజమే, ఈ ఇద్దరు సీక్రెట్‌గా పెళ్లి చేసుకున్నారంటూ నమ్మేశారు.
అయితే తాజాగా దీనిపై స్పందించిన సోనాక్షి.. నెటిజన్లపై మండిపడింది. రియల్ ఫొటోకు మార్ఫింగ్ ఫొటోకు తేడా తెలియదా? అంటూ ఆగ్రహం వ్యక్తం చేసింది.
సల్మాన్, తనకు ఉంగరం తొడుగుతున్నట్లుగా ఉన్న వైరల్ ఫొటో కింద దాన్ని నిజమని నమ్మినవాళ్లని మూర్ఖులుగా అభివర్ణించింది.రియల్ ఫొటోకు, మార్ఫింగ్ ఫొటోకు తేడా తెలియలేనంత మూర్ఖంగా తయారయ్యారా అంటూ మూడు లాఫింగ్‌ ఎమోజీలను తన కామెంట్‌కు జత చేసింది.
కాగా, ప్రస్తుతం ‘టైగర్ 3’లో నటిస్తున్న సల్మాన్..చిరంజీవి ‘గాడ్ఫాదర్’, షారుక్ ‘పఠాన్’ చిత్రాల్లో అతిథి పాత్రల్లో కనపించనున్నారు. సోనాక్షి.. ‘కకుడా’, ‘డబుల్ ఎక్స్ఎల్’ చిత్రాల్లో నటిస్తోంది.
ఆ సినిమా వలన అప్పులపాలయ్యా