తెలుగు సినిమా ‘ఆర్.ఎక్స్ 100’ హిందీ రీమేక్ తెరకెక్కుతోన్న సినిమా ‘తడప్’. ఈ చిత్రంలో సునీల్ శెట్టి తన కొడుకు ఆహన్ శెట్టిని హీరోగా పరిచయం చేస్తున్నాడు. మిలన్ లూధ్రియా దర్శకత్వంలో సాజిద్ నడియాద్ వాలా నిర్మిస్తున్న ఈ చిత్రంలో తారా సుతారియా నాయికగా నటిస్తోంది. నిజానికి ఈ యేడాది సెప్టెంబర్ 24న ఈ మూవీని విడుదల చేయాలని తొలుత అనుకున్నారు.
కానీ కరోనా సెకండ్ వేవ్ కారణంగా పలు చిత్రాల రిలీజ్ డేట్స్ రీ-షెడ్యూల్ కావడంతో ‘తడప్’ను డిసెంబర్ 3న విడుదల చేయబోతున్నట్టు దర్శక నిర్మాతలు తెలిపారు. మరి తెలుగు కుర్రకారుని కిర్రెక్కించిన ‘ఆర్.ఎక్స్. 100’… ఉత్తరాది ప్రేక్షకులపై ఎలాంటి ప్రభావం చూపుతుందో చూడాలి.