రాజమౌళి తెరకెక్కిస్తున్న ప్రతిష్టాత్మక చిత్రం ‘రౌద్రం రణం రుధిరం’ సినిమాలో అల్లూరి సీతారామరాజుగా నటిస్తున్న రామ్ చరణ్, మార్చి 27 తన జన్మదినాన్ని జరుపుకోనున్నారు. అయితే ప్రస్తుతం కరోనా ఎఫెక్ట్‌తో దేశం మొత్తం లాక్‌డౌన్ చేయడంతో అధికారిక వేడుకలను రద్దు చేసుకున్న చరణ్, ఇంట్లోనే తన కుటుంబసభ్యులతో కలిసి పుట్టినరోజు పండుగ జరుపుకోనున్నారు. ఇకపోతే మెగాపవర్ స్టార్ రామ్ చరణ్ బర్త్ డేకు ‘రౌద్రం రణం రుధిరం’లో కొమరం భీంగా నటిస్తున్న యంగ్ టైగర్ ఎన్టీఆర్ ఒక ప్రత్యేక సర్‌ప్రైజ్‌ని రేపు మార్చి 27 ఉదయం 10 గంటలకు యూట్యూబ్ ద్వారా ప్రేక్షకులకు అందించనున్నారు. అయితే ప్రస్తుతం లాక్‌డౌన్ నేపథ్యంలో తన మిత్రుడు చరణ్ పుట్టిన రోజుని ఎంతో ఘనంగా జరిపే అవకాశం లేనప్పటికీ, రేపు తాను ఇచ్చే బర్త్ డే సర్‌ప్రైజ్‌ని మెగాపవర్ స్టార్ రామ్ చరణ్ ఎప్పటికీ మరిచిపోలేరని ఎన్టీఆర్ తన సోషల్ మీడియా మాధ్యమం ట్విట్టర్ ద్వారా తెలిపారు.
Bro @AlwaysRamCharan, I wish I could’ve celebrated your birthday under better circumstances. But since we’re under a lockdown & because staying home is important,I’m giving you a digital surprise at 10am tomorrow. Trust me,this is a bang you won’t ever forget #BheemforRamaraju pic.twitter.com/Xq13wBBXOY
— Jr NTR (@tarak9999) March 26, 2020
సెట్లో చిరాగ్గా… అయినా తప్పదు : జాన్వీ కపూర్