ఆంధ్రప్రదేశ్ లోని రాయలసీమ ప్రాంతంలోని శేషాచలం కొండలలో గంధపు చెక్కల స్మగ్లింగ్ నేపథ్యంలో తెరకెక్కుతున్న “పుష్ప సినిమాలో లారీ డ్రైవర్ పుష్ప రాజ్ గా ఐకాన్ స్టార్ అల్లు అర్జున్ కనిపించబోతున్నాడు. ఈ నేపథ్యంలో సినిమాకు సంబంధించిన ప్రమోషన్ కార్యక్రమాలు ఊపందుకున్నాయి. ఈ సినిమాలోని మొదటి సాంగ్ “దాక్కో దాక్కో మేక” అనే ఫస్ట్ సింగిల్ ను ఆగష్టు 13న రిలీజ్ చేయబోతున్నట్టు ప్రకటించారు.
తాజాగా ఈ సాంగ్ కు సంబంధించిన ప్రోమోను మేకర్స్ రిలీజ్ చేశారు. అందులో అల్లు అర్జున్ తో పాటు సంగీతం దర్శకుడు రాక్ స్టార్ దేవిశ్రీ ప్రసాద్ కూడా కన్పించారు. ఈ సాంగ్ మొత్తం 5 భాషల్లో రిలీజ్ కాబోతోందని ప్రోమోలో ప్రకటించారు. ఈ సాంగ్ తెలుగుతో పాటు మలయాళం, తమిళం, హిందీ, కన్నడ భాషలలో రిలీజ్ కానుంది. దీంతో ఇప్పటి నుంచే బన్నీ అభిమానులు ఈ సాంగ్ కోసం ఆసక్తిగా ఎదురు చూస్తున్నారు.
ఈ సినిమాలో అల్లు అర్జున్ కు జ‌త‌గా ర‌ష్మిక మందన్న నటిస్తోంది. ఇప్పటికే ఈ సినిమాకు సంబంధించి విడుదలైన లుక్స్ విశేషంగా ఆకట్టుకున్నాయి. అలాగే టీజర్ సోషల్ మీడియాలో దుమ్ముదులిపింది. ఇదిలా ఉండగా రెండు పార్టులుగా రిలీజ్ కాబోతున్న ఈ చిత్రం మొదటి పార్ట్ ను డిసెంబర్ 25న విడుదల చేయగా.. రెండవ భాగం 2022లో అభిమానులు ముందుకు రానుంది.