Rx100 సినిమాతో పాపులర్ అయిన పాయల్ రాజ్‌పుత్… అల్లు అర్జున్- సుకుమార్ కాంబినేషన్‌లో తెరకెక్కుతున్న ‘పుష్ప’లో, అలాగే శంకర్- కమల్ హాసన్ కాంబినేషన్‌లో రూపుదిద్దుకుంటున్న ‘ఇండియన్ 2’లో ఐటెం సాంగ్స్ చేస్తోందని చెప్పుకుంటున్నారు. అయితే తాజాగా ఈ వార్తలపై స్పందిస్తూ దయచేసి ఫేక్ వార్తలు స్ప్రెడ్ చేయొద్దంటూ రిక్వెస్ట్ చేసింది పాయల్ రాజ్‌పుత్. ప్రస్తుతం తనకు ఐటమ్ సాంగ్స్ చేసే ఆలోచనే లేదని తెలుపుతూ తన సోషల్ మీడియా ఖాతాలో పోస్ట్ పెట్టింది. ”ఐటెం సాంగ్స్ చేయమని నన్నెవరూ అప్రోచ్ కాలేదు. ‘ఇండియన్ 2, పుష్ప’ చిత్రాల్లో స్పెషల్ సాంగ్స్ చేస్తున్నారటగా అంటూ కొన్ని రోజులుగా నాకు ఒకటే మెసేజ్‌లు వస్తున్నాయి. ఈ సందర్భంగా ఆ వార్తలన్నీ రూమర్స్ అని తెలుపుతున్నా. నేను ఇప్పటి వరకు ఏ చిత్రానికి గానీ, సాంగ్‌కి గానీ సైన్ చేయలేదు. అలాగే ఇప్పట్లో షూటింగ్‌లో పాల్గొనే అవకాశం కూడా లేదు. చిల్ అండ్ రిలాక్స్” అని పేర్కొంది పాయల్. ప్రస్తుతం మంచి కంటెంట్ ఉన్న కథలను వింటున్నానని, ఏ సినిమా అంగీకరించినా వెంటనే అందరికీ తెలియజేస్తానని ఈ సందర్భంగా పాయల్ రాజ్‌పుత్ తెలిపింది.
చిల్ అండ్ రిలాక్స్… ఆ వార్తలు నిజం కాదు : పాయల్ రాజ్ పుత్
