మెగాస్టార్ చిరంజీవి తన తనయుడు రామ్ చరణ్ని నిర్మాతగా మార్చి.. కొణిదెల ప్రొడక్షన్ కంపెనీపై 50 కోట్ల బడ్జెట్లోనే ‘ఖైదీ నంబర్ 150’ని తీయించాడు చిరంజీవి. ఇక.. ఈ సినిమా బడ్జెట్కి రెట్టింపు లాభాలు దక్కాయి. కానీ.. ‘సైరా’ విషయంలో చిరు గురి తప్పింది. తాజాగా చిరంజీవి 152 చిత్రం కొర‌టాల శివ ద‌ర్శ‌క‌త్వంలో హైదరాబాద్లో ప్రారంభమైంది. ప్రస్తుతం నైట్ ఎఫెక్ట్లో సాగే ఓ పాటను చిత్రీకరిస్తున్నారట. ఇక.. పెద్ద హీరో సినిమా అంటే కారవాన్ల సందడి గురించి చెప్పక్కర్లేదు. కానీ.. మామూలుగా అగ్ర హీరోల సినిమాలలో ఉపయోగించే కారవాన్ల కంటే.. ఈ చిత్రానికి రెండింతలు కారవాన్లు వాడుతున్నారట. ఈ పాట చిత్రీకరణలో చిరంజీవి-కొరటాలతో పాటు.. డాన్స్ మాస్టర్, కెమెరామేన్ రత్నవేలుకి సెపరేటుగా కారవాన్లు ఉన్నాయి. వీరితో పాటు.. రత్నవేలు టీమ్లో ప్రధాన సిబ్బందికి ఓ కారవాన్, కాస్ట్యూమ్స్ డిజైనర్ సుస్మితకు ఓ కారవాన్.. నిర్మాత హోదాలో అప్పుడప్పుడూ వచ్చే రామ్ చరణ్ కోసం మరో కారవాన్ను ఏర్పాటు చేశారట ప్రొడక్షన్ బృందం. అలా.. చిరంజీవి షూటింగ్ మొత్తం కారవాన్ల సందడితో నిండిపోయిందట. మరి.. బడ్జెట్ కంట్రోల్ విషయంలో కచ్చితంగా ఉండే మెగాస్టార్ దృష్టికి.. ఈ కారవాన్ల విషయం వచ్చిందో? లేదో? అంటున్నారు ఫిల్మ్ నగర్ వర్గాలు.
మెగాస్టార్ 152… సెట్లో కారవాన్ల సందడి
