బెల్లంకొండ శ్రీనివాస్ టాలీవుడ్ లోకి హీరోగా అల్లుడు శ్రీను సినిమాతో పరిచయమైనా విషయం తెలిసిందే. తన మొదటి సినిమా నుంచే గొప్ప నటనతో ప్రేక్షకులను ఆకట్టుకుంటున్నాడు. తనదైన కథల ఎంపికతో తెలుగు చిత్ర సీమలో ప్రత్యేక గుర్తింపు తెచ్చుకున్నాడు. ప్రస్తుతం ఈ హీరో అల్లుడు అదుర్స్ అనే సినిమాలో నటిస్తున్నాడు. ఈ సినిమాలో రియల్ హీరో బిరుదు అందుకున్న సోనూ సూద్ కూడా కనపించనున్నాడు. ఈ సినిమా సంతోష్ శ్రీనివాస్ దర్శకత్వంలో రూపొందుతోంది. ఈ చిత్రంలో శ్రీనివాస్ సరసన నభా నటేష్, అను ఇమాన్యుయల్ నటిస్తుండగా, జాతీయ స్తాయి నటుడు ప్రకాష్ రాజ్ కీలక పాత్రలో కనిపించనున్నాడు. అయితే… తాజాగా బెల్లంకొండ సాయి శ్రీనివాస్ బర్త్‌ డే సందర్భంగా ఈ సినిమా నుంచి “హోలా చికా” అనే సాంగ్‌ను రిలీజ్‌ చేశారు. ఈ పాటలో బెల్లంకొండ కౌబాయి గెటప్‌లో కనిపించి అలరించాడు. హోలా చికా అంటూ పాట మొదలు కాగా… ఇందులో లిరిక్స్‌ అందరిలోనూ ఆసక్తిని పెంచుతున్నాయి. ఈ సాంగ్‌ నభా నటేష్ తన అందచందాలతో అలరిస్తుంది. దేవి శ్రీ ప్రసాద్‌ సారధ్యంలో రూపొందిన ఈ పాట సంగీత ప్రియులను ఆకట్టుకుంటోంది. ఇక ఈ సినిమా ఏ మేరకు ప్రేక్షకులను ఆకట్టుకుంటుందో చూడాలి.
previous post