ప్రపంచ వ్యాప్తంగా కరోనా విజృంభిస్తున్న నేపథ్యంలో చైనాపై అమెరికా అధ్యక్షుడు డొనాల్డ్ ట్రంప్ మరోసారి తీవ్ర విమర్శలు గుప్పించారు. ఓ కార్యక్రమంలో పాల్గొన్న ఆయన మాట్లాడుతూ.. కరోనా వైరస్ చైనా నుంచే వచ్చిందని అన్నారు. ఈ విషయంలో తాము చాలా అసంతృప్తిగా ఉన్నామని చెప్పారు. ఈ మధ్యే చైనాతో ఓ ఒప్పందంపై సంతకాలు చేశామని, ఆ సిరా ఇంకా ఆరకముందే ఈ వైరస్ వచ్చిందని వ్యాఖ్యానించారు.
కోవిడ్-19 విషయాన్ని తాము ఏ మాత్రం తేలిగ్గా తీసుకోబోమని తెలిపారు. కాగా, కరోనా విషయంలో అమెరికా చట్టసభ ప్రతినిధుల నుంచి ట్రంప్‌పై ఒత్తిడి పెరుగుతోంది. కరోనా పుట్టినిల్లు చైనాపై ప్రతీకారం తీర్చుకోవాల్సిందేనని రిపబ్లిన్‌ పార్టీ ప్రతినిధులు డిమాండ్‌ చేస్తున్నారు. చైనా వల్లే కరోనా విపత్కర పరిస్థితులు వచ్చాయని ఆ దేశంపై ఆంక్షలు విధించాలని కోరుతున్నారు.
పార్టీలో అందరి కంటే సీనియర్ నేనే.. తనకన్నా విధేయుడు ఎవరున్నారు: వీహెచ్