కరోనా మహమ్మారిని తరిమికొట్టేందుకు స్టార్స్ అంతా కలిసి ఓ సందేశాత్మక షార్ట్ ఫిల్మ్‌లో నటించి ప్రజల్ని అప్రమత్తం చేయడానికి ‘ది ఫ్యామిలీ’ అనే షార్ట్ ఫిల్మ్‌లో నటించారు. బిగ్ బీ అమితాబ్ బచ్చన్, మెగాస్టార్ చిరంజీవి, సూపర్ స్టార్ రజినీకాంత్, మమ్ముట్టి, మోహన్‌లాల్, రణ్‌బీర్ కపూర్, అలియా భట్, ప్రియాంకా చోప్రా తదితర స్టార్లంతా కలిసి ఓ షార్ట్ ఫిలిం చేశారు. ‘ఇంట్లో ఉండండి… సురక్షితంగా ఉండండి.. చేతులు కడుక్కోండి.. ఇంటి నుంచి పని చేయండి.. భౌతిక దూరం పాటించండి… అంటూ స్టార్స్ అందరూ కలిసి సృజనాత్మకంగా చెప్పారు. కాగా లాక్ డౌన్ నేపథ్యంలో స్టార్లు అంతా ఇళ్లకే పరిమితం కావడంతో స్టే హోమ్ అనే కాన్సెప్ట్ సైతం స్పురిస్తూ.. అందరు స్టార్స్ ఇంట్లోనే ఉండి సెల్ఫ్ కెమెరాలతో ఈ షార్ట్ ఫిల్మ్ చేయడం విశేషం. అమితాబ్ కళ్లజోడు మిస్ కావడం.. ఒక్కో హీరో దానిపై మాట్లాడటం లాంటి వాటిని ఫన్నీగా చూపించారు. ఇక ఈ షార్ట్ ఫిల్మ్‌లో పాల్గొన్న రజినీకాంత్, చిరంజీవి, మమ్ముట్టి, మోహన్ లాల్ వంటి స్టార్స్ తమ తమ భాషల్లో మాట్లాడారు. మెగాస్టార్ చిరంజీవి షేవ్ చేసుకుంటే.. ‘ఓయ్ ఓయ్.. ఏంటా కొట్టడం తలుపు ఇరిగిపోగలదు.. ఈ బాత్ రూంలోకి నీళ్లే రావడం లేదు, కళ్ల జోడు ఎక్కడ నుంచి వస్తుంది’ అంటూ మాస్ డైలాగ్ పేల్చారు. ఇక రజినీకాంత్ అయితే కళ్ల జోడు చూశారా అంటే.. ‘ఇదా అంటూ తన స్టైలిష్ కూలింగ్ క్లాస్‌ను తనదైన శైలిలో తిప్పుతూ చూపించడం రజినీ మార్క్ స్టైల్‌ని గుర్తు చేసింది’. చివర్లో అమితాబ్ ప్రస్తుతం లాక్ డౌన్ ఉన్న నేపథ్యంలో సినిమా ఇండస్ట్రీకి సంబంధించిన వర్కర్స్ ఎలాంటి ఇబ్బందులు పడుతున్నారు. వాళ్లకు ఇండస్ట్రీ తరుపున చేస్తున్న సాయం ఏంటి?? ప్రజలు ఈ కరోనా మహమ్మారిని తరిమికొట్టడంతో ఎలాంటి జాగ్రత్తలు పాటించాలి? తదితర విషయాలను తెలియజేశారు. ప్రసూన్‌ పాండే దర్శకత్వం వహించిన ఈ షార్ట్ ఫిలింలో బిగ్ బీ లీడ్ రోల్ పోషించగా.. మిగిలిన స్టార్లు అంతా భాగం అయ్యారు. సోమవారం రాత్రి 9గంటలకు సోనీ నెట్‌వర్క్‌లో ఈ షార్ట్ ఫిల్మ్ ప్రసారమైంది.
Presenting ‘Family’, a made-at-home short film featuring @SrBachchan, #Rajnikanth #RanbirKapoor @priyankachopra @aliaa08, #Chiranjeevi @Mohanlal, #Mammootty, @meSonalee @prosenjitbumba #ShivaRajkumar & @diljitdosanjh.
Supported by #SonyPicturesNetworksIndia & #KalyanJewellers. pic.twitter.com/menuDz808H— sonytv (@SonyTV) April 6, 2020
నా సినీ రంగ ప్రవేశంపై అనుమానాలు : విజయశాంతి