బాలీవుడ్ బ్యూటీ పూనమ్ పాండే పెళ్లి జరిగి 20 రోజులు కూడా కాకముందే భర్తపై కేసు పెట్టి, అరెస్ట్ చేయించిన విషయం తెలిసిందే. తాజాగా గోవాలో జరిగిన ఘటన గురించి పూనమ్ మాట్లాడుతూ.. “సామ్‌తో నాకు ఓ విషయంలో వాదన మొదలైంది. అది పెరిగి గొడవలా మారింది. దీంతో అతడు నన్ను కొట్టాడు. చిత్రహింసలు పెట్టాడు. నా జుట్టు పట్టుకుని లాక్కెళ్లి మంచానికేసి కొట్టాడు. మొహంపై పిడికిలితో గుద్దాడు. ఆ సమయంలో చనిపోతానేమోనని అనుకున్నా. కానీ లక్కీగా అతడి బారి నుంచి తప్పించుకుని హోటల్ సిబ్బంది సాయంతో పోలీసులను ఆశ్రయించాను. దీంతో పోలీసులు సామ్‌ను అరెస్ట్ చేసి స్టేషన్‌కు తీసుకెళ్లారు. అలాంటి మనిషితో ఇకపై కలిసి బ్రతకలేను. మా బంధాన్ని కాపాడుకునేందుకు నేను ఎన్నో బాధలు పడ్డాను. ఇక్కడితో మా పెళ్లికి ముగింపు పలకాలనుకుంటున్నాను” అంటూ పూనమ్ తన బాధను చెప్పుకొచ్చింది. మోడలింగ్, సినిమాల కంటే వివాదాస్పద వ్యాఖ్యలు, సెక్సీ వీడియోలతో బాగా పాపులర్ అయింది పూనమ్ పాండే. వైవాహిక జీవితంలోకి అడుగుపెట్టి నెలరోజులు తిరగకముందే భర్తపై కేసు పెట్టి మరోసారి వార్తల్లోకెక్కింది. రెండేళ్లుగా సహజీవనం చేస్తున్న బాయ్‌ఫ్రెండ్ సామ్ బాంబేను పూనమ్ ఈ నెల 1వ తేదీన పెళ్లి చేసుకుంది. 20 రోజులకే భర్త తనను వేధిస్తున్నాడని, శారీరకంగా హింసిస్తున్నాడంటూ ఆమె గోవా పోలీసులకు ఫిర్యాదు చేసింది. ఓ షూటింగ్ నిమిత్తం గోవాకు వెళ్లిన పూనమ్ అక్కడే పోలీసులకు ఫిర్యాదు చేయగా.. 22వ తేదీని సామ్ బాంబేను అరెస్ట్ చేశారు. మరుసటి రోజే గోవా కోర్టు బెయిల్ మంజూరు చేయడంతో అతడు బయటికి వచ్చాడు.
జంతువు కొట్టినట్లు కొట్టాడు… ఇకపై అతడితో కలిసి బ్రతకలేను : పూనమ్ పాండే
