హీరో ధనూష్ సినిమా షూటింగ్లో నటుడు ప్రకాశ్ రాజ్ కు ప్రమాదం చోటు చేసుకుంది. ఈ ప్రమాదంలో ప్రకాశ్ రాజ్ చేతికి, కాలికి గాయమైనట్టు ప్రకాశ్ రాజ్ ట్వీట్ చేశారు. దాంతో హుటాహుటిన చెన్నై నుంచి హైదరాబాద్కు బయలు దేరారు.
పొరపాటున జారి పడటంతో చిన్నపాటి ఫ్యాక్చర్ అయ్యిందని సర్జరీ కోసం హైదరాబాద్ వెళుతున్నట్టు ట్విట్లో పేర్కొన్నారు. మిత్రుడు డాక్టర్ గురువారెడ్డి తనకు సర్జరీ చేయనున్నట్టు వెల్లడించారు. అభిమానులు ఆందోళన చెందాల్సిన అవసరం లేదని స్పష్టం చేశారు.
తెలుగు, తమిళ, హిందీ, కన్నడ చిత్రాలతో బిజీగా ఉన్న ఆయన త్వరలో జరగబోయే ‘మా’ ఎన్నికల్లో అధ్యక్ష పదవికి పోటీలో ఉన్నారు. మా ఎన్నికలను వచ్చే నెల రెండోవారం నిర్వహించమని చిరంజీవితో సహా పలువురు కార్యవర్గ సభ్యులు కోరుతున్న విషయం తెలిసిందే..